Bokin'i Jeremia
Toko faha-11
18 Nampahalalain'ny Tompo aho, ka nahalala; ... nampahafantarinao ahy tamin'izay ny ataon'izy ireo!19 Izaho, tamin'izany, hoatra ny zanak'ondry bonaika entin'ny olona hovonoina, ka tsy nahalala ny tetika nataony hamelezana ahy hoe: Fongory mbamin'ny voany ny hazo! Esory eo amin'ny tanin'ny velona izy, ary aoka tsy ho tsaroana intsony ny anarany!
20 Mitsara ara-drariny anefa Iavehn'ny tafika; mamantatra ny voa sy ny fo izy. Ka hahita ny famalianao azy ireo aho, fa hianao no efa nanankinako ny adiko.