Evanjely Masin'i Jesoa-kristy Nosoratan'i Md. Joany

Toko faha-6

¹⁶ Nony hariva ny andro, nidina nankeny amoron-dranomasina ny mpianany,

¹⁷ dia niondrana tamin'ny sambo kely ka nita ny ranomasina ho any Kafarnaoma. Efa alina ny andro tamin'izay, nefa tsy mbola tonga teo aminy Jesoa, ¹⁸ ary nanonja ny ranomasina, fa nifofofofo mafy ny rivotra. ¹⁹ Rahefa nivoy tokony ho dimy amby roa-polo na telo-polo stady izy ireo, dia nahita an'i Jesoa nandeha teny ambony ranomasina sy nanatona ny sambo kely, ka natahotra. ²⁰ Fa hoy izy taminy: Izaho ihany, fa aza matahotra. ²¹ Dia naniry handray azy ho eo an-tsambo kely izy ireo, ka niaraka tamin'izay dia tafatody tamin'ny tany nokasainy haleha ny sambo.