Ny Salamo
Toko faha-132
1 Fihirana fiakarana. Ry Iaveh, tsarovy Davida, sy ny fahasahiranany rehetra!2 Izao no fianianana nataony tamin'ny Tompo, izao no voadiny tamin'ny Maherin'i Jakoba:
3 Tsy hiditra ao an-day fitoerako aho, na hiakatra eo am-parafara fialako sasatra,
4 na hamela ny masoko hatory, na ny hodi-masoko ho rendremana akory,
5 mandra-pahitako fitoerana ho an'ny Tompo, sy fonenana ho an'ny Maherin'i Jakoba.
11 Iaveh nianiana marina tamin'i Davida, ka tsy hitsoaka amin'izany: Ny ateraky ny kibonao, no hapetrako eo amin'ny seza fiandriananao.
12 Raha tandreman'ny zanakao ny fanekeko, mbamin'ny didy hampianariko azy, dia hipetraka mandrakizay, eo amin'ny seza fiandriananao koa ny zanany.
13 Fa Iaveh efa nifidy an'i Siona, sy naniry azy ho fonenany.
14 Ity no toerana fitsaharako mandrakizay; eto no honenako fa efa niriko.