Eto ianao : Fandraisana> Baiboly

Ny Salamo

Salamo toko 149, 1b-2.3-4.5-6a.9b
Hira fandresena rehefa avy nandresy.

       1Aleloia!
Mihirà fihiram-baovao ho an'ny Tompo:
hanakoako eo amin'ny fiangonan'ny olomasina anie ny fiderana azy!
       2Hifaly amin'ny Mpahary azy anie Israely,
hientan-karavoana amin'ny Mpanjakany anie ny zanak'i Siona!
       3Aoka izy ireo hidera ny anarany amin'ny dihiny;
aoka hihira azy amin'ny ampongatapaka sy ny harpa!
       4Fa ankasitrahan'ny Tompo ny vahoakany;
manome voninahitra ny ambany toetra, amin'ny famonjeny azy izy.
       5Mandresy amim-boninahitra ny mpino,
mientan-kafaliana eo am-pandriany izy ireo.
       6Eo am-bavany ny fiderana an'Andriamanitra,
ary eo an-tànany ny sabatra roa lela.
       9mba hampihatra amin'izy ireo ny teny fitsarana voasoratra:
Voninahitra voatokana ho an'ny mpino azy rehetra izany.
Aleloia! >