Ny Salamo
Toko faha-97
1 Mpanjaka Iaveh: aoka hifaly ny tany; Aoka hiravoravo ny nosy maro!2 Rahona aman'aloka no manodidina azy, rariny sy hitsiny no iorenan'ny seza fiandrianany.
5 Miempo hoatry ny savoka ny tendrombohitra eo anatrehan'ny Tompo, dia eo anatrehan'ny Tompon'ny tany rehetra.
6 Ny lanitra mitory ny fahamarinany, ary ny firenena rehetra mibanjina ny voninahiny.
10 Mankahala ny ratsy, hianareo izay tia an'ny Tompo; miaro ny fanahin'ny mpino azy izy, dia manafaka azy amin'ny tanan'ny ratsy fanahy.
11 Afafy ho an'ny marina ny fahazavana, ary ho an'ny mahitsy fo ny fifaliana.
12 Mifalia amin'ny Tompo ry olo-marina, ary manomeza voninahitra ny anarany masina.