Tonon-kira Dia Tonon-kira

Toko faha-2

⁸ NY AMPAKARINA Injay ny feon'ny malalako, indry tamy izy, miantsambotsambotra eny an-tendrombohitra; mitsambikina amin'ny havoana.

⁹ Manahaka ny gazela ny malalako, sy ny zanaky ny serfavavy. Indro izy eo ivohon-drindrin-tranonay mijery eo am-baravarankely, mijery eo amin'ny makarakara.

¹⁰ Niteny ny malalako, ka nanao tamiko hoe: Mitsangana, ry malalako, ry tsara tarehiko, ka avia!

¹¹ Fa indro ny ririnina efa lasa; ny ranonorana efa nitsahatra tsy misy intsony.

¹² Ny voninkazo efa miposaka amin'ny tany; ny fotoana fihirana efa tonga. Ny feon-domohina efa re eny an-tsahantsika;

¹³ efa mipoitra ny voan'aviavy vao mitsimoka, ny voaloboka mamony efa mamerovero; mifohaza, ry malalako, ry tsara tarehiko ka avia!

¹⁴ Ry voromailalako izay mipetraka eo an-tsefatsefa-bato; eo amin'ny fialofan'ny rindrim-bato mideza, asehoy ahy ny endrikao, ampandreneso ahy ny feonao, fa mamy ny feonao, ary mahafinaritra ny endrikao.