Bokin'i Amosy
Toko faha-5
14 Ny tsara no tadiavo, fa aza ny ratsy, mba ho velona hianareo, ka homba anareo Iaveh, Andriamanitry ny tafika, araka ny lazainareo.15 Ankahalao ny ratsy, fa ny tsara no tiavo, ary ampanjakao eo am-bavahady indray ny rariny; angamba Iaveh Andriamanitry ny tafika, dia hamindra fo amin'izay sisa amin'i Josefa!
21 Halako sy tsy ahoako akory izay fetinareo, tsy hankamamiko akory ny fiangonanareo.
22 Raha manolotra sorona dorana amam-panatitra hianareo tsy mankatelina izany aho; ary izay fisoronanareo zanak'omby matavy tsy jereko velively.
23 Halaviro ahy ny finaonaonan'ny hiranareo; aoka tsy ho reko akory izay feon-dokanganareo!
24 Fa aoka hisononoka hoatra ny rano kosa ny fitsarana; ary toy ny ranondriaka tsy mety ritra ny fahamarinana!