Ny Asan'ny Apostoly

Toko faha-28

¹⁶ Rahefa tonga tany Roma izahay, dia nahazo nitoetra nitokana Paoly, fa miaramila iray no niambina azy.

¹⁷ Nony afaka hateloana, dia nampiantsoin'i Paoly ny lohandohan'ny Jody, ka nony tafavory izy ireo dia hoy izy taminy: Ry rahalahy, izaho dia nafatotra hatrany Jerosalema sy natolotra teo an-tànan'ny Romana, na dia tsy nanao na inona na inona manohitra ny firenentsika sy ny fanaon-drazantsika aza. ¹⁸ Nony namototra ahy ireo, ka nahita fa tsy nisy tokony hahafaty ahy, dia nikasa handefa ahy ihany izy ireo; ¹⁹ nefa notoherin'ny Jody izany, ka voatery ho nangataka hotsarain'i Sezara aho; tsy ao an-tsaiko velively anefa izay hiampanga ny fireneko amin'izany. ²⁰ Izany no niangaviako ny mba hifankahita sy hidinika aminareo; fa noho ny fanantenan'Israely ity, no ifatorako amin'izao rojo vy izao. ³⁰ Nitoetra roa taona nipaka tao amin'ny trano anankiray nohofàny i Paoly; ary nandray tsara an'izay rehetra nankao aminy.

³¹ Nitory ny fanjakan'Andriamanitra sy nampianatra ny amin'i Jesoa-Kristy Tompo tamin-kasahiana lehibe izy, sady tsy nisy nisakana.