Bokin'Izaia

       ⁶ Hanomanan'Iavehn'ny tafika
amin'ity tendrombohitra ity ho an'ny firenena rehetra,
fanasana amin'ny hena matavy,
fanasana amin'ny divay ela niotrehana,
hena matavy sy be tsoka,
divay ela niotrehana sy voatantavana.
       ⁷ Hotriariny eto amin'ity tendrombohitra ity
ny voaly manarona ny olona rehetra,
mbamin'ny rakotra mandrakotra ny firenena rehetra.
       ⁸ Ny Fahafatesana hofoanany tsy hisy mandrakizay;
Iaveh Tompo hamafa
ny ranomaso amin'ny tava rehetra;
ny henatry ny vahoakany hesoriny
tsy hisy amin'ny tany rehetra;
fa efa niteny Iaveh.
       ⁹ Izao no holazain'ny olona amin'izany andro izany: Indro ny Andriamanitsika
izay niankinantsika mba ho voavonjy;
dia Iaveh izay nantenaintsika.
Aoka isika hanao fifaliana sy hiravoravo amin'ny famonjeny.
       ¹⁰ Fa ny tanan'Iaveh
hipetraka amin'ity tendrombohitra ity;
ary Moaba kosa, hohosihosena an-toerana,
toy ny fihosihosy mololo ao an-dobon-jezika.