Bokin'i Jeremia

Toko voalohany

⁴ Tonga tamiko ny tenin'ny Tompo, nanao hoe:

⁵ Efa fantatro talohan'ny namoronana anao tao am-bohoka hianao, ary raha mbola tsy naloaky ny kibon-dreninao hianao, dia efa nohamariniko; notendreko ho mpaminany ho an'ny firenena.

¹⁷ Fa hianao kosa: misikìna, mitsangàna ary lazao aminy izay rehetra handidiako anao. Aza mangovitra eo anatrehany, fandrao ataoko mangovitra eo anatrehany hianao. ¹⁸ Indro aho anio manao anao ho tanàna mimanda, andry vy ary manda varahana, eo anatrehan'ny tany rehetra, eo anatrehan'ny mpanjakan'i Jodà, sy ny mpanapaka eo aminy, eo anatrehan'ny mpisorony, eo anatrehan'ny vahoakany.

¹⁹ Hiady aminao izy ireo, nefa tsy hahefa na inona na inona aminao, satria momba anao aho, hamonjy anao aho; - teny marin'ny Tompo.