Bokin'i Jeremia
Toko faha-31
10 Hianareo, firenena, mihainoa ny tenin'ny Tompo, ary torionareo izany, any amin'ireo nosy lavitra; ataovy hoe: Ilay nampiely an'Israely, dia hanangona azy indray; ary hiandry azy toy ny fiandrin'ny mpiandry ondry ny ondry;11 Satria Iaveh, efa nanavotra an'i Jakoba, sy nanafaka azy tamin'ny tànan'ny mahery noho izy.
12 Ho avy izy, omban-kobim-pifaliana ho eo amin'ny havoan'i Siona. Hitanjozotra ho eo amin'ny zava-tsoan'ny Tompo izy ireo, ho amin'ny vary, ny divay vaovao, ny diloilo, ho amin'ny ondry aman'omby; ho toy ny saha vonton-drano ny fanahiny, ka hitsahatra tsy halazo intsony.
13 Amin'izany, hifaly amin'ny dihy ny zazavavy, mbamin'ny zazalahy, sy ny anti-panahy koa. Hampodiko ho fifaliana ny fisaonany, halako alahelo, hampifaliko izy ireo manaraka ny fijaliany.