Evanjely Masin'i Jeso-kristy Nosoratan'i Md. Joany

       ³⁵ Nony ampitson'izay indray, dia mbola teo koa Joany sy ny mpianany roa lahy; ³⁶ ka hoy izy nahatazana an'i Jeso nandalo: Indro ny Zanak'ondrin'Andriamanitra. ³⁷ Nandre izany ireo mpianany roa lahy ireo, dia nanaraka an'i Jeso. ³⁸ Ary nitodika Jeso ka nahita azy ireo nanaraka azy, dia nanao taminy hoe: Inona no tadiavinareo? Ary hoy izy ireo taminy: Raby, (izany hoe, ry Mpampianatra, raha adika) aiza hianao no mitoetra? ³⁹ Dia hoy izy taminy: Avia fa ho hitanareo. Dia nandeha izy ireo ka nahita izay nitoerany, sy nitoetra teo aminy tamin'iny andro iny; ary tokony ho tamin'ny ora fahafolo tamin'izay.
       ⁴⁰ Andre rahalahin'i Simona Piera no anankiray tamin'izy roa lahy izay nandre ny tenin'i Joany ka nanaraka an'i Jeso. ⁴¹ Ary ny olona voalohany nifanena taminy kosa dia Simona rahalahiny ka nilazany hoe: Efa hitanay ny Mesia (izany hoe ny Kristy, raha adika). ⁴² Dia nentiny nankany amin'i Jeso izy, ka nony nijery azy Jeso dia nanao hoe: Hianao no Simona zanak'i Joany; hatao hoe Sefasy hianao, izany hoe, Piera.