Evanjely Masin'i Jesoa-kristy Nosoratan'i Md. Joany

Toko faha-10

²⁷ Ny ondriko mihaino ny feoko, izaho mahalala azy, ary izy manaraka ahy; ²⁸ omeko ny fiainana mandrakizay izy ka tsy ho very na oviana na oviana, ary tsy hisy haharombaka azy eo an-tànako. ²⁹ Izay nomen'ny Raiko ahy dia lehibe noho izao rehetra izao, ka tsy misy maharombaka eo an-tànan'ny Ray. ³⁰ Izaho sy ny Ray dia iray ihany.