Evanjely Masin'i Jeso-kristy Nosoratan'i Md. Lioka

       ¹⁸ Ary nisy lehibe anankiray nanontany azy hoe: Ry Mpampianatra tsara ô, inona no hataoko hahazahoako ny fiainana mandrakizay? ¹⁹ Dia hoy Jeso taminy: Ahoana àry no iantsoanao ahy hoe: tsara? tsy misy tsara afa-tsy Andriamanitra irery. ²⁰ Fantatrao ny didy hoe: Aza mamono; aza mijangajanga; aza mangalatra; aza miampanga lainga; manajà ny rainao aman-dreninao. ²¹ Dia hoy izy: Efa nitandrina izany rehetra izany hatry ny fony kely aho. ²² Nony nandre izany Jeso, dia nanao taminy hoe: Zavatra iray loha no tsy ampy aminao: amidio ny fanananao rehetra ka omeo ny mahantra, dia hanan-drakitra any an-danitra hianao, ary avia hanaraka ahy. ²³ Fa nony nandre izany teny izany izy, dia nanjonitra, satria mpanan-karen-doatra izy.
       ²⁴ Koa hoy Jeso nony nahita azy nalahelo: Akory ity hasarotry ny hidiran'ny mpanan-karena amin'ny fanjakan'Andriamanitra! ²⁵ Fa moramora kokoa ny hidiran'ny rameva amin'ny vody fanjaitra noho ny hidiran'ny mpanan-karena amin'ny fanjakan'Andriamanitra. ²⁶ Dia hoy izay nihaino hoe: Iza àry no ho voavonjy? ²⁷ Ka hoy ny navaliny: Izay tsy azon'ny olona atao, dia azon'Andriamanitra atao.