Evanjely Masin'i Jesoa-kristy Nosoratan'i Md. Lioka

Toko faha-21

²⁹ Ary izy nanao fanoharana taminy hoe: Jereo ny aviavy sy ny hazo rehetra: ³⁰ raha vao hitanareo fa manaroka izy, dia fantatrareo fa akaiky ny fahavaratra. ³¹ Toy izany koa raha vao hitanareo fa tonga izany zavatra izany, dia fantaro fa akaiky ny fanjakan'Andriamanitra. ³² Lazaiko marina aminareo fa tsy ho lany ity taranaka ity ambara-pahatongan'izany rehetra izany. ³³ Ho levona ny lanitra sy ny tany, fa ny teniko tsy mba ho levona.