Evanjely Masin'i Jesoa-kristy Nosoratan'i Md. Matio

Toko faha-4

¹⁸ Ary raha nitsangatsangana teny amoron-dranomasin'i Galilea Jesoa, nahita olona mirahalahy, dia Simona ilay atao hoe Piera sy Andre rahalahiny, nanarato teo amin'ny ranomasina, fa mpanarato izy ireo.

¹⁹ Dia hoy izy taminy: Avia hanaraka ahy, fa hataoko mpanarato olona hianareo. ²⁰ Dia nandao ny haratony niaraka tamin'izay izy ireo, ka nanaraka azy. ²¹ Dia mbola nandroso ihany izy, ka nahita olona mirahalahy hafa koa, dia Jakoba zanak'i Zebede sy Joany rahalahiny izay teo an-tsambo niaraka tamin'i Zebede rainy, nanamboatra ny haratony; ary nantsoiny izy mirahalahy. ²² Nandao ny haratony sy ny rainy niaraka tamin'izay izy ireo, ka nanaraka azy.