Epistolan'i Md. Paoly Ho An'ny Romana

Toko faha-3

¹⁰ araka ny voasoratra hoe: Tsy misy marina, na dia iray aza; ¹¹ tsy misy manan-tsaina, tsy misy mitady an'Andriamanitra; ¹² samy nania avokoa izy rehetra; tsy misy manao ny tsara na dia iray aza. ¹³ Fasana misokatra ny tendany; entiny mamitaka ny lelany; poizi-menarana no ao ambany molony; ¹⁴ ozona amam-pangidiana no mameno ny vavany; ¹⁵ ny handatsa-drà no mahamailaka ny tongony; ¹⁶ fandravana sy fampahoriana no eo amin'ny alehany; ¹⁷ ny làlan'ny fiadanana tsy fantany; ¹⁸ ary ny fahatahorana an'Andriamanitra tsy eo anoloan'ny masony.