Ny Salamo
Toko faha-103
1 Nataon'i Davida. Misaora an'ny Tompo, ry fanahiko, ary misaora ny anarany masina, ry ato anatiko rehetra!2 Misaora an'ny Tompo, ry fanahiko, ary aza manadino ny soa betsaka avy aminy.
3 Fa izy no mamela ny helokao rehetra, manasitrana ny aretinao rehetra.
4 Izy no manavotra ny ainao tsy hidina any an-davaka, manarona hatsaram-po amam-pamindram-ponao.
6 Manao ny fitsarana Iaveh, manome rariny an'izay rehetra nampahoriana.
7 Nampiseho ny làlany tamin'i Moizy izy, ary ny asany lehibe, tamin'ny zanak'Israely.
8 Mamindra fo sy miantra Iaveh, mahari-po sy be hatsaram-po.
11 Fa tahaka ny hahavon'ny lanitra ambonin'ny tany, no haben'ny hatsaram-pony amin'izay matahotra azy.