Ny Salamo

Toko faha-120

1 Fihirana fiakarana. Tao anatin'ny fahoriako nitaraina tamin'ny Tompo aho, dia nohenoiny.

2 Iaveh ô, vonjeo ny fanahiko amin'ny molotra mandainga, amin'ny vava fetsy ratsy.

3 Homena inona sy hahazo vokatra inona hianao, ry lela mpamadika?

4 Zana-tsipìka maranitry ny Mahery, mbamin'ny vain'afon'anjavidy.

5 Endrey, ity manjo ahy mitoetra eto amin'i Meseka, sy monina aty an-dain'i Sedara!

6 Ela loatra no niarahako nitoetra tamin'izay mankahala ny fihavanana.

7 Olona tia fihavanana aho, nefa nony niteny amin'izy ireo dia ny ady no alehan'ny sainy.

© Eugene Heriniaina - serasera.org 1999 - 2024 - page load 0.1669