Ny Salamo
Toko faha-32
1 Nataon'i Davida. Fisaintsainana masina. Sambatra izay voaesotra ny helony, sy voavela ny fahotany.2 Sambatra ny olona tsy tànan'ny Tompo heloka, izay tsy misy fitaka ny fanahiny.
5 Nambarako taminao ny fahotako, tsy mba nafeniko ny heloko. Hoy aho: Hiaiky ny fahadisoako amin'ny Tompo aho, dia navelanao kosa ny heloky ny fahotako. - Selà.
6 Ka aoka hivavaka aminao ny olona tia vavaka rehetra, amin'ny fotoana mety. Marina, fa amin'ny fahatondrahan'ny rano be, dia tsy hahatratra azy izany.
7 Hianao no fialofako; hiaro ahy amin'ny fahoriana hianao, hodidininao hiram-pamonjena aho. - Selà.