Ny Salamo
Salamo toko 67
Hotahian'Andriamanitra anie ny vahoakany ho fampianarana ny firenena.
1 Ho an'ny mpampianatra hira. Ampiarahina amin'ny zava-maneno tendrena. Salamo. Fihirana.
2 Hanambina sy hitahy antsika anie Andriamanitra!
hampamirapiratra ny tavany amintsika anie izy! - Selà.
3 mba ho fantatra ety ambonin'ny tany ny làlanao,
ary amin'ny firenena rehetra, ny famonjenao!
4 Hidera anao anie ny firenena, ry Andriamanitra,
hidera anao anie ny firenena rehetra!
5 Aoka hirobiroby ny firenena sy hisomebin-kafaliana,
fa mitsara ny vahoaka amim-pahitsiana hianao
sy mitondra ny firenena ambonin'ny tany.
6 Hidera anao anie ny firenena, ry Andriamanitra,
hidera anao anie ny firenena rehetra!
7 Efa nahavokatra ny tany;
hotahian'Andriamanitra, dia ny Andriamanitsika, anie isika!
8 Hotahian'Andriamanitra anie isika!
ary hanaja azy anie ny vazan-tany rehetra!
