Ny Salamo

Toko faha-68

2 Aoka hitsangana Andriamanitra, ka hiely ny fahavalony, ary handositra ny tavany, ireo mankahala azy.

3 Tahaka ny fisavan'ny setroka, no andringano an'ireny; tahaka ny fiempon'ny savoka eo amin'ny afo no aoka hahalevona ny ratsy fanahy eo anatrehan'Andriamanitra.

4 Fa ny marina kosa aoka hifaly sy hiravoravo eo anatrehan'Andriamanitra, aoka hientan-kafaliana izy ireo!

5 Mihirà ho an'Andriamanitra, mankalazà ny anarany! Misavà lalana ho an'ilay tamy mamaky ny tany lemaka! Iaveh no anarany, mifalia eo anatrehany!

6 Rain'ny kamboty, mpitsara ny mpitondra-tena izy, Andriamanitra eo amin'ny fonenany masina.

7 Ireo nilaozana, dia omen'Andriamanitra trano; manafaka ny voababo sy mamerina azy eo amin'ny fiadanana izy; ny mpiodina ihany no tavela eo amin'ny efitra mahamay.

© Eugene Heriniaina - serasera.org 1999 - 2024 - page load 0.0817