Ny Salamo

Toko faha-85

⁹ Te-hihaino izay holazain'ny Tompo Andriamanitra aho, - fa manana teny fiadanana ho an'ny vahoakany sy ny mpino azy izy, raha tahiny tsy miverina amin'ny fahadalany indray izy ireo. -

¹⁰ Eny, akaiky an'izay matahotra azy ny famonjeny, ary hitoetra amin'ny tanintsika indray ny voninahitra.

¹¹ Efa hihaona ny hatsaram-po sy ny fahamarinana, hifandray tànana ny rariny sy ny fihavanana.

¹² Hitsimoka amin'ny tany, ny fahamarinana, ary hitsinjo ny rariny any ambonin'ny lanitra.

¹³ Tenan'ny Tompo no hanome ny soa rehetra ka hahavokatra ny vokany ny tanintsika.

¹⁴ Handeha eo alohany ny rariny, sy hanoritra làlana hodiaviny.