Boky Voalohan'ny Tantara

       ¹ Zanakalahin'i Levì: Gersoma, Kaata, ary Merarì. ² Izao no anaran'ny zanakalahin'i Gersoma: Lobonì sy Semeia. ³ Zanakalahin'i Kaata: Amrama, Isaara, Hebrona ary Oziela. ⁴ Zanakalahin'i Merari: Moholi sy Mosi.
Izao no fianakavian'i Levi isan-drainy avy:
       ⁵ Avy amin'i Gersoma: Lobnì zanany, Jahata zanany, Zammà zanany, ⁶ Joah zanany, Adao zanany, Zarà zanany, Jetraia zanany. ⁷ Zanakalahin'i Kaata: Aminadaba zanany, Kore zanany, Asira zanany, ⁸ Elkana zanany, Abiasafa zanany, Asira zanany, ⁹ Tahata zanany, Oriela zanany, Oziasa zanany, Saola zanany. ¹⁰ Zanakalahin'i Elkanà: Amasia sy Akimota; ¹¹ Elkanà zanany, Sofaia zanany, Nahata zanany, ¹² Eliaba zanany, Jerohama zanany, Elkanà zanany. ¹³ Zanakalahin'i Samoela: Vasenì lahimatoa, dia Abia.
       ¹⁴ Zanakalahin'i Merarì: Moholì, Lobnì zanany, Semeia zanany, Ozà zanany, ¹⁵ Sammaà zanany, Haggià zanany, Asaià zanany.
       ¹⁶ Ireto no voatendrin'i Davida hitari-kira, tao an-tranon'Iaveh, niantomboka hatramin'ny nahazoan'ny fiara fitoeram-pijanonana. ¹⁷ Dia nanao ny raharahan'ny mpihira teo anoloan'ny fonenan'ny tranolay fihaonana izy ireo, mandra-panaovan'i Salomona ny tranon'Iaveh tany Jerosalema, ary nipetraka nanao ny fanompoany araka ny nandaminana an'izay. ¹⁸ Dia ireto no nanao ny raharaha, mbamin'ny zanany avy: Amin'ny zanakalahin'ny Kaatita: Hemàna mpihira, zanak'i Joela, zanak'i Samoela, ¹⁹ zanak'i Elkanà, zanak'i Jerohama, zanak'i Eliela, zanak'i Taoho, ²⁰ zanak'i Sofa, zanak'i Elkanà, zanak'i Mahata, ²¹ zanak'i Amasaia, zanak'i Elkanà, zanak'i Joela, zanak'i Azariasa, zanak'i Sofoniasa, ²² zanak'i Tahata, zanak'i Asira, zanak'i Abiasafa, ²³ zanak'i Kore, zanak'Isaara, zanak'i Kaata, zanak'i Levì, zanak'Israely. ²⁴ Asafa rahalahiny izay nitsangana teo an-kavanany: Asafa zanak'i Barakiasa, zanak'i Samà, ²⁵ zanak'i Mikaela, zanak'i Basaiasa, ²⁶ zanak'i Melkiasa, zanak'i Atanaia, zanak'i Zarà, ²⁷ zanak'i Adada, zanak'i Etàna, zanak'i Zammà, ²⁸ zanak'i Semeia, zanak'i Jeta, zanak'i Gersoma, zanak'i Levì. ²⁹ Zanakalahin'i Merarì rahalahin'izy ireo teo an-kavia: Etàna, zanak'i Kosi, zanak'i Abdì, zanak'i Malòka, ³⁰ zanak'i Hosabiasa, zanak'i Amasiasa, zanak'i Helkiasa, ³¹ zanak'i Amasaia, zanak'i Boni, zanak'i Somera, ³² zanak'i Moholi, zanak'i Mosì, zanak'i Merarì, zanak'i Levì.
       ³³ Ny levita rahalahin'izy ireo, dia niandraikitra ny fanompoana rehetra amin'ny tabernakla ao an-tranon'Iaveh. ³⁴ Aarona sy ny zanany anefa no nandoro ny sorona, teo ambonin'ny otelin'ny sorona dorana, sy ny emboka, teo ambonin'ny otelin'ny zava-manitra; izy ireo no tsy maintsy nanantanteraka ny raharaha ao amin'ny fitoerana masina indrindra, sy nanao fanonerana ho an'Israely, araka izay rehetra nandidian'i Moizy, mpanompon'Andriamanitra.
       ³⁵ Ireto no zanakalahin'i Aarona: Eleazara zanany, Finea zanany, Abisoe zanany; ³⁶ Boksi zanany, Ozì zanany, Zaraiasa zanany, ³⁷ Meraiota zanany, Amariasa zanany, ³⁸ Akitoba zanany, Sadaoka zanany, Akimaasa zanany.
       ³⁹ Ary izao no fonenany, araka ny faribohiny, tao amin'ny zara-taniny avy: Ny taranak'i Aarona, amin'ny fianakavian'ny Kaatita, izay voatendrin'ny filokana voalohany, ⁴⁰ dia nomena an'i Hebrona mbamin'ny tany fiandrasam-biby manodidina azy teo amin'ny tanin'i Jodà; ⁴¹ ny faritanin'ny tanàna kosa anefa mbamin'ny vohiny, dia nomena an'i Kaleba zanak'i Jefone. ⁴² Ny nomena ny taranak'i Aarona ary dia Hebrona tanàna fialofana, ⁴³ Lobnò, mbamin'ny tany fiandrasana biby momba azy, Jetera, Estemao mbamin'ny tany fiandrasana biby momba azy; ⁴⁴ Dabira mbamin'ny tany fiandrasana biby momba azy; Asòna mbamin'ny tany fiandrasana biby momba azy; Betsemesa mbamin'ny tany fiandrasana biby momba azy; ⁴⁵ ny avy amin'ny fokon'i Benjamina kosa, dia Gabea mbamin'ny tany fiandrasana biby momba azy; Almata mbamin'ny tany fiandrasana biby momba azy. Totalin'ny tanànan'izy ireo, tanàna telo ambin'ny folo araka ny fianakaviany. ⁴⁶ Ny azon'ny taranak'i Kaata sisa, tamin'ny loka, dia tanàna folo, avy amin'ny foko sy ny antsasa-pokon'i Manase. ⁴⁷ Ny tarakan'i Gersoma, araka ny fianakaviany, dia nahazo tanàna telo ambin'ny folo, avy amin'ny fokon'Isakara sy ny fokon'i Asera, ary ny fokon'i Neftalì, sy ny fokon'i Manase, tany Basòna. ⁴⁸ Ny taranak'i Merarì araka ny fianakaviany dia nahazo tamin'ny loka tanàna roa ambin'ny folo, avy amin'ny fokon'i Zabolona. ⁴⁹ Nanome ny tanàna, mbamin'ny tany fiandrasam-biby momba azy, ho an'ny Levita ny zanak'Israely. ⁵⁰ Tamin'ny filokana no nanomezany azy an'ireo tanàna voatendry amin'ny anarany ireo avy amin'ny fokon'ny zanak'i Jodà sy ny fokon'ny zanak'i Simeona, ary ny fokon'ny zanak'i Benjamina.
       ⁵¹ Ny sasany amin'ny fianakavian'ny taranak'i Kaata anefa, dia avy amin'ny fokon'i Efraima, ny tanàna azony; ⁵² ka izao no nomena azy ireo: Sikema, tanàna fialofana, mbamin'ny tany fiandrasana biby momba azy, teo amin'ny tendrombohitr'i Efraima; Gazera, mbamin'ny tany fiandrasana biby momba azy; ⁵³ Jekmaama, mbamin'ny tany fiandrasana biby momba azy; Betorona, mbamin'ny tany fiandrasana biby momba azy; ⁵⁴ Helona mbamin'ny tany fiandrasana biby momba azy; Geth-Remmona, mbamin'ny tany fiandrasana biby momba azy; ⁵⁵ ary ny avy amin'ny antsasa-pokon'i Manase, Anera, mbamin'ny tany fiandrasana biby momba azy; Balaama, mbamin'ny tany fiandrasana biby momba azy, ho an'ny fianakavian'ny taranak'i Kata sisa.
       ⁵⁶ Ny nomena ny taranak'i Gersoma avy amin'ny fianakavian'ny antsasa-pokon'i Manase: Gaolona any Basòna, mbamin'ny tany fiandrasana biby momba azy; Astarota mbamin'ny tany fiandrasana biby momba azy; ⁵⁷ avy amin'ny fokon'Isakara: Kedesa, mbamin'ny tany fiandrasana biby momba azy; Dabereta, mbamin'ny tany fiandrasana biby momba azy; ⁵⁸ Ramota, mbamin'ny tany fiandrasana biby momba azy; Anema, mbamin'ny tany fiandrasana biby momba azy; ⁵⁹ avy amin'ny fokon'i Asera: Masala, mbamin'ny tany fiandrasana biby momba azy; ⁶⁰ Hokòka, mbamin'ny tany fiandrasana biby momba azy; Rohoba, mbamin'ny tany fiandrasana biby momba azy; ⁶¹ avy amin'ny fokon'i Neftalì: Kedesa, any Galilea, mbamin'ny tany fiandrasana biby momba azy; Hamona, mbamin'ny tany fiandrasana biby momba azy; ary Kariataima, mbamin'ny tany fiandrasana biby momba azy.
       ⁶² Ny nomena ny Levita sisa taranak'i Merarì: avy amin'ny fokon'i Zabolona: Remmonao, mbamin'ny tany fiandrasana biby momba azy; Tabora, mbamin'ny tany fiandrasana biby momba azy; ⁶³ ny eny an-dafin'i Jordany, tandrifin'i Jerikao, atsinanan'i Jordany: avy amin'ny fokon-dRobena: Bosora any an'efitra, mbamin'ny tany fiandrasana biby momba azy; Jasò, mbamin'ny tany fiandrasana biby momba azy; ⁶⁴ Kademota, mbamin'ny tany fiandrasana biby momba azy; Mefaata, mbamin'ny tany fiandrasana biby momba azy; ⁶⁵ avy amin'ny fokon'i Gada: Ramota, any Galaada, mbamin'ny tany fiandrasana biby momba azy; Manaima, mbamin'ny tany fiandrasana biby momba azy; ⁶⁶ Hesebona, mbamin'ny tany fiandrasana biby momba azy; Jezera, mbamin'ny tany fiandrasana biby momba azy.