Boky Voalohan'ny Tantara

Toko faha-7

¹ Zanakalahin'Isakara: Tolà, Foà, Josoba ary Simerona: efatra izy.

² Zanakalahin'i Tolà: Ozia, Rafaia, Jeriela, Jemaia, Jebsema, ary Samoela, samy lohan'ny fokom-pianakaviany izay avy amin'i Tolà, lehilahy mahery, voasoratra araka ny taranany tamin'ny andron'i Davida, enin-jato sy roa arivo sy roa alina no isany. ³ Zanakalahin'i Ozia: Izrahia. Zanakalahin'Izrahia: Mikaela, Obadià, Johela, ary Jesià, filohany dimy izy rehetra. ⁴ Nana-miaramila momba azy, efa hary fitaovana hiantafika izy ireo, araka ny fianakaviana fihaviany, araka ny fokom-pianakaviany avy, nisy enina arivo sy telo alina ireny, fa maro vady aman-janaka izy. ⁵ Ny rahalahin'izy ireo araka ny fianakaviana ao amin'Isakara rehetra, lehilahy mahery, dia nisy fito arivo sy valo alina ny tontaliny, voasoratra amin'ny tetiaram-pirazanana. ⁶ Zanakalahin'i Benjamina: Belà, Bekora, ary Jadiela, telo izy.

⁷ Zanakalahin'i Belà: Esbona, Ozia, Oziela, Jerimota ary Oraia; dimy izy lohan'ny fokom-pianakaviana, lehilahy mahery, efa-jato sy roa arivo amby roa alina no isany, voasoratra amin'ny tetiarana. ⁸ Zanakalahin'i Bekora: Zamirà, Joasa, Eliezera, Elionaia, Amria, Jerimota, Abià, Anatota, ary Almata. Zanakalahin'i Bekora avokoa izy rehetra ireo, ⁹ voasoratra amin'ny tetiaram-pirazanana araka ny taranany avy, ho lohan'ny fokom-pianakaviny, lehilahy mahery, roan-jato sy roa alina no isany. ¹⁰ Zanakalahin'i Jadihela: Balàna. Zanakalahin'i Balàna: Jehosy, Benjamina, Aoda, Kanàna, Zetàna, Tarsisa, ary Abisahera: ¹¹ Zanakalahin'i Jadihela avokoa izy rehetra ireo, samy lohan'ny fokom-pianakaviany, lehilahy mahery, roan-jato amby fito arivo sy iray alina ny isany, mahazo mitondra fiadiana hiantafika. ¹² Zanakalahin'i Hira: Sefama sy Hafamà. Zanakalahin'i Ahera: Hasima.

¹³ Zanakalahin'i Neftalì: Jasiela, Gonia, Jesera ary Seloma, zanakalahin'i Bala.

¹⁴ Zanakalahin'i Manase: Esriela. Ilay Siriana vaditsindranony, niteraka an'i Makira, rain'i Galaada.

¹⁵ Makira naka vady tamin'ny avy amin'i Hapfima sy Safàna: Maakà no anaran'ny anabaviny. Salfaada no zanany lahiaivo, ary nanan-janakavavy Salfaada. ¹⁶ Nitera-dahy Maakà, vadin'i Makira, ka nataony hoe Faresa no anarany ary Saresa no anaran'ny rahalahiny: Olama sy Resena no zanany lahy. ¹⁷ Zanakalahin'i Olama: Badàna. Ireo no zanakalahin'i Galaada, zanak'i Makira, zanak'i Manase. ¹⁸ Ary Hamoleketa anabaviny, niteraka an'Iskoda, Abiezera, ary Moholà. ¹⁹ Ny zanakalahin'i Semidà dia Ahina, Sekema, Lesia ary Aniama. ²⁰ Zanakalahin'i Efraima: Sotalà, Bareda zanany, Tahata zanany, Eladà zanany, Tahata zanany,

²¹ Zobada zanany, Sotalà zanany, ary Ezera sy Eladà izay novonoin'ny lehilahy tao Geta, izay tera-tany, fa nidina hangalatra ny biby fiompiny. ²² Nisaonan'i Efraima rainy ela izy ireo, ka tonga ny rahalahiny hampionona azy. ²³ Nandeha tamin'ny vadiny izy, dia nanan'anaka ravehivavy, ka nitera-dahy; dia nomeny anarana hoe Berià, satria tra-pahoriana izy ireo tao an-tranony. ²⁴ Ny zanany vavy kosa dia Sarà, izay nanorina an'i Betorona ambany sy Betorona ambony ary Ozena-Sara. ²⁵ Rafà zanany sy Resefa, Tale zanany, Taàna zanany; ²⁶ Laadana zanany; Ammioda zanany, Elisamà zanany, ²⁷ Nona zanany, Josoe zanany. ²⁸ Ary ny taniny amam-ponenany, dia Betela mbamin'ny tanàna momba azy; any atsinanana, Noràna, any andrefana Gezera mbamin'ny tanàna momba azy, Sikema mbamin'ny tanàna momba azy, hatrany Azà mbamin'ny tanàna momba azy. ²⁹ Eo an-tànan'ny taranak'i Manase koa Betsàna sy ny tanàna momba azy, Magedao sy ny tanàna momba azy, Dora sy ny tanàna momba azy. Tamin'ireo tanàna ireo no nonenan'ny taranak'i Josefa, zanak'Israely. ³⁰ Zanak'i Asera: Jemnà, Jesoaà, Jesoaì, Barià ary Sarà anabavin'ireo. ³¹ Zanakalahin'i Baria: Hebera sy Melkiela; izy no Barsaita. ³² Hebera niteraka an'i Jeflata, Somera, Hotama, ary Soaà anabavin'ireo. ³³ Zanakalahin'i Jeflata: Foseka, Kamaala ary Asota: ireo no zanakalahin'i Jeflata. ³⁴ Zanakalahin'i Somera: Ahia, Roagà, Habà ary Arama. ³⁵ Zanakalahin'i Helema, rahalahiny: Sofà, Jemnà, Salesa ary Amala. ³⁶ Zanakalahin'i Sofà: Soe, Harnafera, Soala, Berì, ³⁷ Jamrà, Bosora, Hoda, Samnà, Salosà, Jetrama ary Berà. ³⁸ Zanakalahin'i Jetera: Jefone, Fasfà ary Arà. ³⁹ Zanakalahin'i Olà: Aera, Haniela, ary Resià. ⁴⁰ Zanak'i Asera avokoa ireo, lohan'ny fokom-pianakaviana, olom-boafantina sy mahery, lehiben'ny loham-pireneny, enina arivo sy roa alina no isany voasoratra, samy mahazo mitondra fiadiana hiantafika.