Boky Voalohan'ny Tantara

Toko faha-9

¹ Voasoratra amin'ny tetiaram-pirazanana avokoa izany Israely rehetra, ka indreto izy voasoratra ao amin'ny bokin'ny mpanjakan'Israely; ary nentin-ko babo tany Babylona Jodà, noho ny fahotany.

² Ny mponina voalohany, nonina tamin'ny taniny, tamin'ny tanànany, dia ny Israelita, ny mpisorona, ny levita, ary ny Natineana. ³ Nisy nonina tao Jerosalema ny taranak'i Jodà, ny taranak'i Benjamina, ny taranak'i Efraima, sy Manase,

⁴ ny taranak'i Faresa, zanak'i Jodà: Oteì zanak'i Ammioda, zanak'i Amrì, zanak'i Omraì, zanak'i Bonnì. ⁵ Ny tamin'ny Silonita: Asaia, lahitao sy ny zanany lahy. ⁶ Ny tamin'ny taranak'i Zarà: Jehoela sy ny rahalahiny; sivy folo amby enin-jato izy. ⁷ Ny tamin'ny taranak'i Benjamina: Salao, zanak'i Mosolama, zanak'i Odoià, zanak'i Asàna; ⁸ Jobanià, zanak'i Jerohama; Elà, zanak'i Ozi, zanak'i Mokori; Mosolama, zanak'i Safatià, zanak'i Rahoela, zanak'i Jebanià, ⁹ ary ny rahalahin'izy ireo, araka ny taranany: dia enina amby dimampolo sy sivin-jato. Samy loham-pianakaviana, araka ny fokom-pianakaviany avy, ireo lehilahy rehetra ireo. ¹⁰ Ny tamin'ny mpisorona: Jedaià, Joiariba, Jakima,

¹¹ Azariasa, zanak'i Helkiasa, zanak'i Mosalama, zanak'i Sadaoka, zanak'i Maraiota, zanak'i Akitoba, mpanapaka ny tranon'Andriamanitra; ¹² Adaiasa, zanak'i Jerohama, zanak'i Fasora, zanak'i Melkiasa; Maasaì zanak'i Adiela, zanak'i Jezrà, zanak'i Mosolama, zanak'i Mosolamita, zanak'i Emmera; ¹³ ary ny rahalahin'izy ireo, izay lohan'ny fokom-pianakaviany avy, dia nisy lehilahy mahery enimpolo sy fiton-jato sy arivo mba hanatanteraka ny fanompoana ao amin'ny tranon'Andriamanitra. ¹⁴ Ny tamin'ny Levita: Semeià zanak'i Hasoba, zanak'i Ezrikama, zanak'i Hasebià, tamin'ny taranak'i Merarì;

¹⁵ Bakbakara, Heresa, Galala, Matanià, zanak'i Mikà, zanak'i Zekri, zanak'i Asafa; ¹⁶ Obdià, zanak'i Semeià, zanak'i Galala, zanak'Iditona; Barakià, zanak'i Asà, zanak'i Elkanà, izay nonina tao an-tanànan'ny Netofatiana. ¹⁷ Ary ny mpiandry varavarana: Seloma, Akoba, Telmona, Ahimàna, mbamin'ny rahalahin'ireo; Seloma no lehibe,

¹⁸ ary mbola ao am-bavahadin'ny mpanjaka, eo atsinanana izy mandrak'androany. Ireo no mpiandry varavarana tamin'ny tobin'ny taranak'i Levì. ¹⁹ Seloma zanak'i Kore, zanak'i Abiasafa, zanak'i Kore, mbamin'ny Koreita rahalahiny amin'ny fianakavian-drainy, no nanao ny raharahan'ny mpiandry ny varavaran'ny tabernakla; ny razan'izy ireo no efa niandry ny vavahadin'ny tobin'ny Tompo. ²⁰ Finea zanak'i Eleazara, no mpanapaka azy ireo taloha, ary nomban'ny Tompo izy. ²¹ Zakaria, zanak'i Mosolamia, no mpiandry ny varavaran'ny trano lay fihaonana. ²² Roa ambin'ny folo sy roan-jato no isan'ireo olom-boafidy ho mpiandry varavarana ireo. Voasoratra amin'ny vohiny avy izy, ary Davida sy Samoela mpahita no nanendry azy hanao io raharaha io. ²³ Izy ireo sy ny taranany no tao amin'ny varavaran'ny tranon'ny Tompo, ny tranon'ny tabernakla, mba hiandry azy. ²⁴ Nitoetra teo amin'ny lafiny efatra ny mpiandry varavarana, dia teo atsinanana sy andrefana, ary avaratra sy atsimo. ²⁵ Ny rahalahin'izy ireo, izay nonina tany amin'ny vohiny, dia tsy maintsy mankeo aminy indraindray, ka maharitra herinandro eo. ²⁶ Fa izy efa-dahy lohan'ny mpiandry varavarana, izay Levita, dia teo amin'ny raharahany hatrany, sady mbola nitandrina ny efi-trano sy ny rakitra tao an-tranon'Andriamanitra. ²⁷ Nitoetra teo amin'ny manodidina ny tranon'Andriamanitra izay nambenany izy, ka tsy maintsy tandremany ny hamohana azy isa-maraina. ²⁸ Ny Levita sasany kosa, nitandrina ny fanaka momba ny fanompoana, ka navoakany sy nampidiriny ireny no sady nisainy koa.

²⁹ Ny sasany aminy, nitandrina ny fanaka, dia ny fanaka rehetra teo amin'ny fitoerana masina, mbamin'ny lafarina tsara indrindra, ny divay, ny diloilo, ny emboka, ary ny zava-manitra. ³⁰ Nisy zanaky ny mpisorona nangaroharo ny zava-manitra tsara fofona. ³¹ Ny anankiray amin'ny Levita, dia Matatiasa lahimatoan'i Seloma, Koreita, no tonian'ny mofomamy nendasina tamin'ny lapoaly. ³² Ary ny rahalahiny sasany, amin'ny taranak'i Kaata, no niadidy ny fanamboarana ho amin'ny isan-tsabata, ny mofo alahatra. ³³ Ireo no mpihira, lohan'ny fianakavian'ny Levita nitoetra tamin'ny efitrano, afaka tamin'ny raharaha hafa, satria tsy maintsy eo amin'ny raharahany andro aman'alina.

³⁴ Ireo no lohan'ny fianakavian'ny Levita, filohany araka ny taranany, ary nonina tao Jerosalema. ³⁵ Tao Gabaona no nonenan'i Jehiela, rain'i Gabaona, Maakà no anaran'ny vadiny.

³⁶ Ary Abdona no zanany lahimatoa, dia Sora, Kisa, Baala, Nera, Nadaba, ³⁷ Gedora, Ahiao, Zakaria, ary Makelota. ³⁸ Makelota niteraka an'i Samaana. Nitoetra teo anilan'ny rahalahiny koa izy ireo tao Jerosalema niaraka tamin'ny rahalahiny. ³⁹ Nera niteraka an'i Kisa; Kisa niteraka an'i Saola, Saola niteraka an'i Jonatàna, Melkisoì, Abinadaba, ary Esbaala. ⁴⁰ Zanakalahin'i Jonatàna: Meribaala; Meribaala niteraka an'i Mikà, ⁴¹ Zanakalahin'i Mikà: Fitòna, Meleka, Taraà. ⁴² Akaza niteraka an'i Jarà; Jarà niteraka an'i Alamata, Azmota ary Zamrì; Zamrì niteraka an'i Mosà. ⁴³ Mosà niteraka an'i Banaà; Rafaià zanany, Elasà zanany, Asela zanany. ⁴⁴ Nanan-janaka enin-dahy Asela, ka ireto no anarany avy: Ezrikama, Bokrao, Ismaela, Sarià, Obdià, ary Hanàna. Ireo no zanakalahin'i Asela.