Bokin'Izaia

Toko faha-35

1 Hifaly ny efitra sy ny tany karankaina, hiravoravo ny tany lemaka lava volo,

2 ary hamony tahaka ny narisisa; hirakotra voninkazo sy hientan-kafaliana ary hanao hoby firavoravoana izy. Homena azy ny voninahitr'i Libàna mbamin'ny hakanton'i Karmely sy Sarona. Izy ireo hahita ny voninahitry ny Tompo, sy ny famirapiratan'ny Andriamanitsika.

3 Hatanjaho ny tànana osa, herezo ny lohalika mangozohozo!

4 Ilazao ny mitebiteby fo ataovy hoe: Makà hery fa aza matahotra. Inty ny Andriamanitrareo; tamy ny famaliana, famalian'Andriamanitra, tenany no ho avy, dia hamonjy anareo.

5 Amin'izay dia hahiratra ny mason'ny jamba, halady ny sofin'ny marenina.

6 Hitsambikina hoatra ny serfa ny mandringa, hinantsanantsan-kafaliana ny lelan'ny moana. Fa hisy rano miboiboika any an'efitra; ary sakeli-drano eny amin'ny tany lemaka lava volo.

© Eugene Heriniaina - serasera.org 1999 - 2024 - page load 0.0928