Ny Salamo
Salamo toko 118, 1-2,16ab-17,22-23,
Hira fisaorana, fanao amin'ny fombam-pivavahana mandeha.
1(Raha vao miainga ny fivavahana mandeha)
Miderà an'ny Tompo, fa tsara fo izy,
fa mandrakizay ny famindram-pony!
2Aoka Israely hilaza hoe:
Eny, mandrakizay ny famindram-pony!
16nisandratra ny tànana ankavanan'ny Tompo,
naneho ny heriny ny tànana ankavanan'ny Tompo.
17Tsy ho faty aho fa ho velona,
ka hitory ny asan'ny Tompo.
22Ny vato narian'ny mpanorina,
dia tonga vato fehizoro.
23(Ny mpisorona)
Asa vitan'ny Tompo izany,
ka zava-mahagaga eo imasontsika. >