Ny Salamo
Toko faha-146
2 Sitrako ny midera an'ny Tompo, amin'ny andro rehetra iainako; sitrako ny mihira ho an'Andriamanitra raha mbola velona koa aho.3 Aza mametraka ny fitokianareo amin'ny mpanapaka, na amin'ny zanak'olombelona izay tsy mahavonjy;
4 fa miala ny fofon'ainy, dia miverina amin'ny vovony izy, ary amin'izay andro izay ihany dia levona ny hevitra kasainy.
5 Sambatra izay manana ny Andriamanitr'i Jakoba ho famonjena azy sy mametraka ny fitokiany amin'ny Tompo Andriamaniny.
6 Iaveh nanao ny lanitra sy ny tany, ny ranomasina mbamin'izay rehetra ao aminy; maharitra amin'ny tsy fivadihany izy.