Bokin'i Esdrasa

       ¹ Ireto ny olona ambanivohitra niverina avy amin'izay nanaovana sesi-tany azy, dia izay nentin'i Nabokodonozora, mpanjakan'i Babilona ho any Babilona, ka niverina ho any Jerosalema sy Jodà, samy ho any an-tanànany avy; ² dia niverina niaraka tamin'i Zorobabela, Josoe, Nehemia, Saraiasa, Rahelaiasa, Mardokea, Belsana, Mesfara, Begoai, Rehoma, Baana.
Izao no isan'ny ankapobem-bahoaka tamin'Israely: ³ Roa amby fitopolo amby zato sy roa arivo, ny taranak'i Farosa; ⁴ rao amby fitopolo sy telon-jato ny taranak'i Safatiasa; ⁵ dimy amby fitopolo sy fiton-jato ny taranak'i Area; ⁶ roa ambin'ny folo sy valon-jato sy roa arivo ny taranak'i Fahata-Moaba, avy amin'ny zanak'i Josoe sy Joaba; ⁷ efatra amby dimampolo sy roan-jato amby arivo ny taranak'i Elama; ⁸ dimy amby efapolo sy sivin-jato ny taranak'i Zetoà; ⁹ enimpolo sy fiton-jato ny taranak'i Zakai; ¹⁰ roa amby efapolo sy enin-jato ny taranak'i Banì; ¹¹ telo amby roapolo sy enin-jato ny taranak'i Belaì; ¹² roa amby roapolo sy roan-jato sy arivo ny taranak'i Azagada; ¹³ enina amby enimpolo sy enin-jato ny taranak'i Adonikama; ¹⁴ enina amby dimampolo sy roa arivo ny taranak'i Begoaì; ¹⁵ efatra amby dimampolo sy efa-jato ny taranak'i Adìna; ¹⁶ valo amby sivifolo ny taranak'i Atera, avy amin'ny terak'i Ezekiasa; ¹⁷ telo amby roapolo sy telon-jato ny taranak'i Besaì; ¹⁸ roa ambin'ny folo amby zato ny taranak'i Jorà; ¹⁹ telo amby roapolo sy roan-jato ny taranak'i Hasoma; ²⁰ dimy amby sivy folo ny taranak'i Gebara; ²¹ telo amby roapolo amby zato ny taranak'i Betleema; ²² enina amby dimampolo ny mponina tao Netofà; ²³ valo amby roapolo amby zato, ny mponina tao Anatota; ²⁴ roa amby efapolo ny taranak'i Azmaveta; ²⁵ telo amby efapolo sy fiton-jato ny zanak'i Kariatiarima sy Kefirà ary Berota; ²⁶ iraika amby roapolo sy enin-jato ny zanak'i Ramà sy Gabaà; ²⁷ roa amby roapolo amby zato ny mponina tao Makmasa; ²⁸ telo amby roapolo sy roan-jato ny mponina tao Betela sy Haì; ²⁹ roa amby dimampolo ny taranak'i Nebao; ³⁰ enina amby dimampolo amby zato ny taranak'i Megbisa; ³¹ efatra amby dimampolo sy roan-jato sy arivo ny taranak'ilay Elama anankiray; ³² roapolo sy telon-jato ny taranak'i Harima; ³³ dimy amby roapolo sy fiton-jato, ny taranak'i Loda sy Hadida ary Honao; ³⁴ dimy amby efapolo sy telon-jato ny taranak'i Jerikao; ³⁵ telopolo sy enin-jato sy telo arivo ny taranak'i Senaà.
       ³⁶ Mpisorona: Telo amby fitopolo amby sivin-jato ny taranak'Isaiasa tamin'ny fianakavian'i Josoe; ³⁷ roa amby dimampolo sy arivo ny taranak'i Emera; ³⁸ fito amby efapolo sy roan-jato amby arivo ny taranak'i Fasara; ³⁹ fito ambin'ny folo sy arivo ny taranak'i Harima.
       ⁴⁰ Levita: efatra amby fitopolo ny taranak'i Josoe sy Kedmiela, avy amin'ny taranak'i Odoiasa. ⁴¹ Mpihira: valo amby roapolo amby zato ny taranak'i Asafa. ⁴² Taranaky ny mpiandry varavarana: sivy amby telopolo amby zato no tontalin'ny taranak'i Seloma, ny taranak'i Atera, ny taranak'i Telmona, ny taranak'i Akoba, ny taranak'i Hatita, ny taranak'i Sobaì.
       ⁴³ Natineana: ny taranak'i Sihà, ny taranak'i Hasofà, ny taranak'i Tabaota, ⁴⁴ ny taranak'i Kerosa, ny taranak'i Siaà, ny taranak'i Fadona, ⁴⁵ ny taranak'i Lebanà, ny taranak'i Hagabà, ⁴⁶ ny taranak'i Akoba, ny taranak'i Hagaba, ny taranak'i Selmaì, ⁴⁷ ny taranak'i Hanàna, ny taranak'i Gadela, ny taranak'i Gahera, ny taranak'i Raaià, ⁴⁸ ny taranak'i Rasina, ny taranak'i Nekodà, ny taranak'i Gazama, ⁴⁹ ny taranak'i Azà, ny taranak'i Faseà, ny taranak'i Besea, ⁵⁰ ny taranak'i Azenà, ny taranak'i Monima, ny taranak'i Nefosima, ⁵¹ ny taranak'i Bakboka, ny taranak'i Hakofà, ⁵² ny taranak'i Harhora, ny taranak'i Beslota, ny taranak'i Mahidà, ny taranak'i Harsà, ⁵³ ny taranak'i Berkosa, ny taranak'i Sisarà, ny taranak'i Temà, ⁵⁴ ny taranak'i Nasià, ny taranak'i Hatifà.
       ⁵⁵ Taranaky ny mpanompon'i Salomona: ny taranak'i Sotaì, ny taranak'i Sofereta, ny taranak'i Farodà, ⁵⁶ ny taranak'i Jalà, ny taranak'i Derkona, ny taranak'i Gedela; ⁵⁷ ny taranak'i Safatià, ny taranak'i Hatila, ny taranak'i Fokoreta-Asebaima, ny taranak'i Ami. ⁵⁸ Roa amby sivifolo sy telon-jato no tontalin'ny Natineana sy ny mpanompon'i Salomona.
       ⁵⁹ Izao no nandeha avy tany Tel-Melà, Tel-Harsà, Keroba, Adona, Emera, ka tsy nahalaza ny fianakavian-drainy amam-pirazanany, hanamarina ny maha-Israely azy: ⁶⁰ ny taranak'i Dalaiasa, ny taranak'i Tobia, ny taranak'i Nekodà: roa amby dimampolo sy enin-jato. ⁶¹ Ary ny tamin'ny taranaky ny mpisorona: dia ny taranak'i Hobià, ny taranak'i Akosa, ny taranak'i Berzelaì, izay naka vady tamin'ny zanakavavin'i Berzelaì, Galaadita, ka dia nantsoina amin'ny anarany. ⁶² Nikaroka ny taratasy vavolombelon'ny firazanana izy ireo, fa tsy nahita, ka dia nolazaina ho tsy madio tsy mahatana ny fisoronana; ⁶³ ary noraran'ny governora tsy hihinana ny zavatra masina indrindra izy ireo, mandra-pitsangan'izay mpisorona, hanontany amin'Andriamanitra amin'ny Orima sy ny Tomima.
       ⁶⁴ Enimpolo sy telon-jato amby roa arivo sy efatra alina no tontalin'ny fiangonana rehetra, ⁶⁵ afa-tsy ny mpanompony, lahy amana vavy, izay nisy fito amby telopolo sy telon-jato amby fito arivo. Nisy mpihira, lahy amana vavy, roan-jato, tamin'izy ireo. ⁶⁶ Ary izao no nananany: soavaly enina amby telopolo sy fiton-jato, mole dimy amby efapolo sy roan-jato, ⁶⁷ rameva dimy amby telopolo sy efa-jato, ary ampondra roapolo sy fiton-jato amby enina arivo.
       ⁶⁸ Nony vao tonga tao amin'ny tranon'ny Tompo, tany Jerosalema, dia maro tamin'ny loham-pianakaviana no nanome fanatitra an-tsitra-po ho an'ny tranon'Andriamanitra, mba hananganana azy eo amin'ilay nitoerany indray. ⁶⁹ Ny nomeny hatao amin'ny rakitra momba izany asa izany, samy araka ny toe-pananany avy, dia darika volamena arivo sy enina alina, mina volafotsy dimy arivo, ary akanjom-pisoronana zato.
       ⁷⁰ Toy izany no nahatafapetraka azy tamin'ny tanànany avy, dia ny mpisorona sy ny levita, ny sarambabem-bahoaka, ny mpihira, ny mpiandry varavarana, sy ny Natineana, ary nonina tamin'ny tanànany avy Israely rehetra.