Ny Jenezy
Toko faha-41
51 Ka ny lahimatoa nataon'i Josefa hoe Manase, fa hoy izy: Efa nampanadinoin'Andriamanitra ahy ny fahoriako rehetra sy ny tranon'ikaky rehetra; 52 ary ny zandriny nataony hoe Efraima, fa hoy izy: Efa nampitombo ahy Andriamanitra atý amin'ny tany nijaliako. 53 Nony tapitra ny taon-jina fito tamin'ny tany Ejipta,54 dia niandoha kosa ny fihavian'ny taona fito mosarena, araka ny voalazan'i Josefa. Ny tany rehetra dia nisy mosary, fa ny tany Ejipta kosa dia nanan-kanin-kohanina. 55 Taty aoriana tratry ny mosary koa ny tany Ejipta rehetra, ka nitaraina tamin'i Faraona ny vahoaka nitady hanina. Fa hoy Faraona tamin'ny Ejipsiana rehetra: Mankanesa any amin'i Josefa, ary ataovy izay lazainy aminareo. 56 Nony nanenika ny tany rehetra ny mosary, novohan'i Josefa ny tranom-bary rehetra naorina tany, ary nivarotra tamin'ny Ejipsiana izy; ary nitombo nitombo ihany ny mosary tamin'ny tany Ejipta. 57 Tonga tao Ejipta avokoa ny avy amin'ny tany rehetra, hividy vary amin'i Josefa, fa nihamafy ny mosary tamin'ny tany rehetra.