Bokin'i Josoe

Toko faha-15

¹ Ny anjara lasan'ny fokon-taranak'i Jodà, araka ny fianakaviany, tamin'ny filokana, dia nitatra hatrany amin'ny faritanin'i Edoma hatrany amin'ny efitra Sina any atsimo any amin'ny farany atsimo.

² Ny faritry ny taniny amin'ny atsimo dia niantomboka avy amin'ny faran'ny ranomasin-tSira dia amin'ny tendrony mitodika atsimo,

³ ka nitohy ao atsimon'ny fiakarana Akdrabima, dia mahazo an'i Sina, sy miakatra any atsimon'i Esrona, niakatra mankany Adara, niolaka any Karkaà, ⁴ avy eo dia nahazo an'i Asmona, nitohy hatramin'ny ranon-driakan'i Ejipta, dia nihatra hatrany amin'ny ranomasina ny faritry ny taniny. Izany no ho faritry ny taninareo any atsimo. ⁵ Ary ny ranomasin-tSira hatramin'ny vavaranon'i Jordany no faritry ny tany atsinanana. Ny faritry ny tany avaratra dia hatreo amin'ny helo-dranomasin-tSira, amin'ny vavaranon'i Jordany, ⁶ ka niakatra hatrany Beti-Aglà ny faritry ny tany, dia nihazo any avaratr'i Beti-Arabà, ary niakatra hatramin'ny vaton'i Boena, zana-dRobena, ny faritry ny tany; ⁷ niakatra any Debera, nony mby eo amin'ny lohasaha Akora ny faritry ny tany dia nihodina mianavaratra mankany Galgalà, izay manandrify ny fiakaran'i Adomima, atsimon'ny ranon-driaka, ary ny faritry ny tany nihazo tao akaikin'ny ranon'i En-Semesa, ka nihatra hatrany En-Rogela. ⁸ Ary ny faritry ny tany niakatra eo amin'ny lohasahan'i Ben-Enoma, hatrany amin'ny kisolasola atsimon'ny Jeboseana, dia Jerosalema; avy eo dia nisondrotra ny faritry ny tany hatrany an-tampon'ny tendrombohitra manandrify ny lohasaha Enoma eo andrefany, sy amin'ny faran'ny tany lemaky ny Rafaima eo avaratra. ⁹ Avy eo an-tampon'ny tendrombohitra dia nizotra ny faritry ny tany hatrany amin'ny lohan'ny ranon'i Neftoà, nihatra amin'ny tanàna ao an-tendrombohitra Efrona; nandroso ny faritry ny tany mankany Baala, dia Kariata-Jearima izany. ¹⁰ Avy eo Baala ny faritry ny tany dia niolaka miankandrefana mankany amin'ny tendrombohitra Jarima, dia Keslona izany, nidina mankany Betisamesa nihazo an'i Tamà. ¹¹ Ny faritry ny tany nipaka amin'ny kisolasola avaratr'i Akarona, ary nizotra ny faritry ny tany mankany Sekrona, nihazo amin'ny tendrombohitra Baala ary nipaka amin'i Jebneela ary nihatra amin'ny ranomasina. ¹² Ary ny faritry ny tany andrefana dia ny ranomasina lehibe sy ny taniny. Izany no faritry ny tanin'ny taranak'i Joda, araka ny fianakaviany, amin'ny lafiny rehetra. ¹³ Araka ny didin'ny Tompo tamin'i Josoe, nomena anjara teo afovoan'ny taranak'i Jodà Kalefa zanak'i Jefone, dia ny tanànan'i Arbe, rain'Enaka, dia Hebrona izany.

¹⁴ Noroahin'i Kaleba hiala tao izy telo lahy, zanak'i Enaka, dia Sesaia, Ahimàna ary Tolmaia taranak'i Enaka. ¹⁵ Avy tao, dia niakatra namely ny mponina tao Dabira indray izy. Kariata-Sefera no anaran'i Dabira taloha. ¹⁶ Hoy Kaleba: Homeko an'i Aksa zanako vavy ho vadiny izay handresy an'i Kariata-Sefera, ka hahafaka azy. ¹⁷ Otoniela zanak'i Keneza, rahalahin'i Kaleba, no nahafaka azy ka nomen'i Kaleba azy Aksa zanany vavy, ho vadiny. ¹⁸ Nony nankany amin'i Otoniela ravehivavy, dia namporisika azy hangataka saha amin-drainy; nidina niala tamin'ny ampondrany izy, ka hoy rainy taminy: Inona no ilainao? ¹⁹ Ary izao no navaliny: Mba omeo fanomezana aho, tany tsy misy rano no namponenanao ahy; ka mba omeo loharano koa aho. Dia nomeny ny loharano ambony sy ny loharano ambany izy. ²⁰ Izany no lovan'ny fokon-taranak'i Joda, araka ny fianakaviany.

²¹ Ny tanàna izay ao amin'ny fara sisin'ny fokon-taranak'i Joda, manolotra ny faritanin'i Edoma, ny tao amin'ny Negebe, dia Kabseela, Edera, Jagora,

²² Kinà, Dimonà, Adadà, ²³ Kadesa, Asora, sy Jetnama, ²⁴ Zifa, Telema, Balota, ²⁵ Asora vaovao sy Kariota-Hesrona, dia Asora izany, ²⁶ Amama, Samà, Moladà, ²⁷ Asergadà Hasemona, Betfeleta, ²⁸ Hasersoala, Bersabe, sy Baziotià. ²⁹ Baalà, Jima, Esema, ³⁰ Eltoloda, Kasila, Harmà, ³¹ Sikelega, Medemenà, Sensenà, ³² Lebaota, Seima, Aena, ary Remona: tontaliny, tanàna sivy amby roapolo ary ny zanabohiny. ³³ Ny tao amin'ny Seeflà dia: Estaola, Sarea, Asena,

³⁴ Zanoe, Aen-Ganima, Tafoaha, Enaima, ³⁵ Jerimota, Odolama, Sokao, Azeka, ³⁶ Saraima, Aditaïma, Gedrà ary Gederotaima: tanàna efatra ambin'ny folo ary ny zanabohiny. ³⁷ Sanana, Hadasà, Magdala-Gada, ³⁸ Deleana, Masefa, Jektela, ³⁹ Lakisa, Baskata, Eglona, ⁴⁰ Kebona, Lehemàna, Ketlisa, ⁴¹ Giderota, Bet-Dagona, Naamà, ary Makedà: tanàna enina ambin'ny folo ary ny zanabohiny. ⁴² Labana, Etera, Asana, ⁴³ Jeftà, Esnà, Nesiba, ⁴⁴ Keilà, Aleziba, ary Maresà, tanàna sivy ary ny zanabohiny, ⁴⁵ Akarona, sy ny tanàna momba azy, ary ny zanabohiny. ⁴⁶ Hatreo Akarona no ho miankandrefana, dia ny tanàna rehetra akaikin'i Azota, mbamin'ny zanabohiny, ⁴⁷ Azota sy ny tanàna momba azy ary ny zanabohiny; Gazà sy ny tanàna momba azy, mbamin'ny zanabohiny, hatramin'ny ranondriakan'i Ejipta, sy hatramin'ny ranomasina Lehibe izay fariny. ⁴⁸ Ny tao amin'ny tendrombohitra dia: Samira, Jetera, Sokota.

⁴⁹ Danà, Kariata-Senà, dia Dabira izany. ⁵⁰ Anaba, Istemao, Anima,