Levitika

Toko faha-27

³³ Tsy azo ifidianana izay tsara na ratsy izany, ary tsy azo takalozana koa; fa raha takalozana dia ho samy zava-masina avokoa, na ny biby natakalo, na izay natakalo azy, sady samy tsy ho azo avotana. ³⁴ Ireo no didy nomen'ny Tompo an'i Moizy ho an'ny zanak'Israely, tao an-tendrombohitra Sinaia.

Ny Fanisana

Toko voalohany

¹ Tany an'efitra Sinaia, tao amin'ny trano lay fihaonana, tamin'ny andro voalohan'ny volana faharoa, taona faharoa taorian'ny nivoahana tany amin'ny tany Ejipta, dia niteny tamin'i Moizy Iaveh nanao hoe:

² Alao isa ny fiangonan'ny zanak'Israely rehetra, araka ny fianakaviany sy ny fokom-pianakaviany avy, ka ny anaran'ny lehilahy rehetra isam-batan'olona no hisaina tsirairay avy, ³ hatramin'ny roapolo taona no ho miakatra, dia ny lehilahy rehetra amin'Israely izay mahatam-piadiana. Hianao sy Aarona no hanisa azy araka ny isan-tokony avy; ⁴ ary lehilahy iray avy amin'ny isam-pokony, izay filohan'ny fokom-pianakaviany avy, no hiaraka aminareo. ⁵ Ireto no anaran'ny lehilahy hiaraka aminareo: Ny amin'i Robena: Elisora zanak'i Sedeora;

⁶ ny amin'i Simeona: Salamiela zanak'i Sorisadaia; ⁷ ny amin'i Jodà: Nahasona zanak'i Aminadaba; ⁸ ny amin'Isakara: Natanaela zanak'i Soara; ⁹ ny amin'i Zabolona: Eliaba zanak'i Helona; ¹⁰ ny amin'ny terak'i Josefa: ny amin'i Efraima: Elisamà zanak'i Amioda; ny amin'i Manase: Gamaliela zanak'i Fadasora: ¹¹ ny amin'i Benjamina: Abidana zanak'i Jedeona; ¹² ny amin'i Dana: Ahiesera zanak'i Amisadaia; ¹³ ny amin'i Azera: Fegiela zanak'i Okrana; ¹⁴ ny amin'i Gada: Eliasafa zanak'i Doela; ¹⁵ ny amin'i Neftalì: Ahira zanak'i Enana. ¹⁶ Ireo no voafidy tamin'ny fiangonana. Lohan'ny firenena avy amin'ny razany izy sy mpifehy arivo amin'Israely. ¹⁷ Nalain'i Moizy sy Aarona ireo olona izay efa voantendry amin'ny anarany avy,

¹⁸ dia nanaika ny fiangonana rehetra izy, ka ny hatramin'ny roapolo taona no ho miakatra rehetra, dia samy nosoratana araka ny fianakaviany sy ny fokony, ary noisaina ny anarany isam-batan'olona. ¹⁹ Araka ny nandidian'ny Tompo an'i Moizy dia nataony ny fanisana tany an'efitra Sinaia. ²⁰ Ny tera-dRobena lahimatoan'Israely, ny taranak'ireo araka ny fianakaviany sy ny fokom-pianakaviany avy, no nisainy araka ny anarany isam-batan'olona, ny lehilahy rehetra hatramin'ny roapolo taona no ho miakatra, ny lehilahy rehetra mahatam-piadiana,

²¹ dia nisy diman-jato amby enina arivo sy efatra alina no voasoratra ho isan'ny fokon-dRobena. ²² Ny terak'i Simeona, ny taranak'ireo araka ny fianakaviany sy ny fokom-pianakaviany avy, ny voasoratra ho isan'ireo, rahefa nisaina ny anarany isam-batan'olona, ny lehilahy rehetra hatramin'ny roapolo taona no ho miakatra, ny lehilahy rehetra mahatam-piadiana,

²³ dia nisy telon-jato amby sivy arivo sy dimy alina no voasoratra ho isan'ny fokon'i Simeona. ²⁴ Ny terak'i Gada, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

²⁵ dia nisy dimampolo amby enin-jato sy dimy arivo sy efatra alina no voasoratra ho isan'ny fokon'i Gada. ²⁶ Ny terak'i Jodà, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

²⁷ dia nisy enin-jato amby efatra arivo sy fito alina novoasoratra ho isan'ny fokon'i Jodà. ²⁸ Ny terak'Isakara, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy mahatam-piadiana,

²⁹ dia nisy efa-jato amby efatra arivo sy dimy alina no voasoratra ho isan'ny fokon'Isakara. ³⁰ Ny terak'i Zabolona, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

³¹ dia nisy efa-jato amby fito arivo sy dimy alina no voasoratra ho isan'ny fokon'i Zabolona. ³² Ny zanak'i Josefa: ny terak'i Efraima, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

³³ dia nisy diman-jato amby efatra alina no voasoratra ho isan'ny fokon'i Efraima. ³⁴ Ny terak'i Manase, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana, ³⁵ dia nisy roan-jato amby roa arivo sy telo alina, no voasoratra ho isan'ny fokon'i Manase. ³⁶ Ny terak'i Benjamina, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

³⁷ dia nisy efa-jato amby dimy arivo sy telo alina no voasoratra ho isan'ny fokon'i Benjamina. ³⁸ Ny terak'i Dana, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

³⁹ dia nisy fiton-jato amby roa arivo sy enina alina no voasoratra ho isan'ny fokon'i Dana. ⁴⁰ Ny terak'i Asera, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

⁴¹ dia nisy diman-jato amby arivo sy efatra alina no voasoratra ho isan'ny fokon'i Asera. ⁴² Ny terak'i Neftalì, ny taranak'ireo araka ny fianakaviany sy ny fokom-pianakaviany avy, rahefa nisaina ny anarany hatramin'ny roapolo taona no ho miakatra, ny lehilahy rehetra mahatam-piadiana,

⁴³ dia nisy efa-jato amby telo arivo sy dimy alina no voasoratra ho isan'ny fokon'i Neftalì. ⁴⁴ Ireo no voaisa nisain'i Moizy sy Aarona, mbamin'izy roa ambin'ny folo lahy, filohany amin'Israely, lehilahy iray avy isam-pokony.

⁴⁵ Ny zanak'Israely rehetra izay nisaina araka ny fokom-pianakaviany avy, hatramin'ny roapolo taona no ho miakatra, ny lehilahy rehetra amin'Israely izay mahatam-piadiana, ⁴⁶ ny voaisa rehetra dia nisy dimam-polo amby diman-jato sy telo arivo sy enina hetsy. ⁴⁷ Tsy mba nisaina niaraka tamin'ireo ny Levita araka ny fokom-pianakaviany.

⁴⁸ Niteny tamin'i Moizy Iaveh nanao hoe: