Ny Fanisana

Toko faha-33

¹ Izao no nitobian'ny zanak'Israely nony nivoaka avy tany amin'ny tany Ejipta, araka ny antokony avy, ambanin'ny fitondran'i Moizy sy Aarona.

² Nalatsak'i Moizy an-tsoratra ny toerana niaingany araka ny nitobiany manaraka ny didin'ny Tompo, ka izao avy no nitobiany araka ny niaingany. ³ Niala tao Ramsesa tamin'ny volana voalohany izy, tamin'ny andro fahadimy ambin'ny folon'ny volana voalohany. Ny ampitson'ny Paka dia tamin'ny tànana voasandratra no nivoahan'ny zanak'Israely teo imason'ny Ejipsiana rehetra.

⁴ Ary ny Ejipsiana nandevina izay novonoin'ny Tompo teo aminy, dia ny lahimatoany rehetra, ary nahatran'ny Tompo tamin'ny andriamaniny koa ny fitsarana. ⁵ Nony niala teo Ramsesa ny zanak'Israely, dia nitoby tao Sokota. ⁶ Niala tao Sokota izy, dia nitoby tao Etama, izay eo an-tsisin'ny efitra. ⁷ Niala tao Etama izy, dia nivily tao Fihahirota, izay mifanandrify amin'i Beelsefona, ka nitoby teo anoloan'i Magdaloma. ⁸ Niala teo anoloan'i Fihahirota izy, dia nita ny ranomasina ho any an'efitra. Nony nandeha làlan-kateloana tany an'efitra Etama izy dia nitoby tao Marà. ⁹ Niala tao Marà izy dia tonga tao Elima izay nisy loharano roa ambin'ny folo, sy foto-drofia fitopolo, ka nitoby tao. ¹⁰ Niala tao Elima izy, dia nitoby teo amoron'ny ranomasina Mena. ¹¹ Niala teo amin'ny ranomasina Mena izy, dia nitoby tany an'efitra Sina. ¹² Niala tany an'efitra Sina izy, dia nitoby tao Dafkà. ¹³ Niala tao Dafkà izy, dia nitoby tao Alosy. ¹⁴ Niala atao Alosy izy, dia nitoby tao Rafidima, ary tsy nisy rano tao hosotroin'ny vahoaka. ¹⁵ Niala tao Rafidima izy, dia nitoby tany an'efitra Sinaia. ¹⁶ Niala tany an'efitra Sinaia izy, dia nitoby tao Kibrota-Hataavà.

¹⁷ Niala tao Kibrota-Hataavà izy, dia nitoby tao Haserota. ¹⁸ Niala tao Haserota izy, dia nitoby tao Retmà. ¹⁹ Niala tao Retmà izy, dia nitoby tao Remonfaresa. ²⁰ Niala tao Remonfaresa izy, dia nitoby tao Lebnà. ²¹ Niala tao Lebnà izy, dia nitoby tao Resà. ²² Niala tao Resà izy, dia nitoby tao Keelatà. ²³ Niala tao Keelatà izy, dia nitoby tao an-tendrombohitra Sefera. ²⁴ Niala tao an-tendrombohitra Sefera izy, dia nitoby tao Aradà. ²⁵ Niala tao Aradà izy, dia nitoby tao Makelota. ²⁶ Niala tao Makelota izy, dia nitoby tao Tahata. ²⁷ Niala tao Tahata izy, dia nitoby tao Tare. ²⁸ Niala tao Tare izy, dia nitoby tao Metkà. ²⁹ Niala tao Metkà izy, dia nitoby tao Hesmonà. ³⁰ Niala tao Hesmonà izy, dia nitoby tao Moserota. ³¹ Niala tao Moserota izy, dia nitoby tao Bene-Jaakàna. ³² Niala tao Bene-Jaakàna izy, dia nitoby tao Hor-Gadgada. ³³ Niala tao Hor-Gadgada izy, dia nitoby tao Jetebata. ³⁴ Niala tao Jetebata izy, dia nitoby tao Hebrona. ³⁵ Niala tao Hebrona izy, dia nitoby tao Asiongabera. ³⁶ Niala tao Asiongabera izy, dia nitoby tany an'efitra Sina, izany hoe tao Kadesy. ³⁷ Niala tao Kadesy izy, dia nitoby tany an-tendrombohitra Hora, tao an-tsisin'ny tany Edoma.

³⁸ Niakatra tao an-tendrombohitra Hora Aarona mpisorona araka ny didin'ny Tompo, dia maty tao izy tamin'ny taona fahefapolo taorian'ny nivoahan'ny zanak'Israely tany amin'ny tany Ejipta, volana fahadimy, andro voalohan'ny volana. ³⁹ Efa telo amby roapolo amby zato taona Aarona, tamin'izy maty tao an-tendrombohitra Hora. ⁴⁰ Ary ren'ilay Kananeana mpanjakan'i Arada izay nonina tao Negeba amin'ny tany Kanaana fa hoe tamy ny zanak'Israely. ⁴¹ Niala tao an-tendrombohitra Hora izy, dia nitoby tao Salmonà.

⁴² Niala tao Salmonà izy, dia nitoby tao Fonona. ⁴³ Niala tao Fonona izy, dia nitoby tao Obota. ⁴⁴ Niala tao Obota izy, dia nitoby tao Ije-Abarima, amin'ny sisin-tanin'i Moaba. ⁴⁵ Niala tao Ije-Abarima izy, dia nitoby tao Dibon-Daga. ⁴⁶ Niala tao Dibon-Daga izy, dia nitoby tao Helmon-Delbataïma. ⁴⁷ Niala tao Helmon-Delbataïma izy, dia nitoby tao an-tendrombohitra Abarima tandrifin'i Nebao. ⁴⁸ Niala tao an-tendrombohitra Abarima izy, dia nitoby tao amin'ny tany lemak'i Moaba, amoron'i Jordany, tandrifin'i Jerikao. ⁴⁹ Ny moron'i Jordany nitobiany, dia hatreo Betsimota, ka hatrany Abela-Setima amin'ny tany leman'i Moaba. ⁵⁰ Niteny tamin'i Moizy Iaveh, tao amin'ny tany lemak'i Moaba amoron'i Jordany tandrifin'i Jerikao nanao hoe: