Bokin'i Josoe

Toko faha-18

¹⁴ Amin'ny lafiny andrefana dia nandroso ny faritry ny tany ary niolaka hatramin'ny tendrombohitra ao anoloan'i Betorona eo atsimo, ka nipaka tamin'i Kariata-Baala, dia Kariata-Jearima izany, tanànan'ny taranak'i Jodà; izany no lafiny andrefana. ¹⁵ Amin'ny lafiny atsimo, nanomboka eo amin'ny tendron'i Kariata-Jearima ny faritry ny tany, ary nandroso niankandrefana nipaka tamin'ny lohan'ny ranon'i Neftòa, ¹⁶ dia nidina ny faritra avy amin'ny faran'ny tendrombohitra izay tandrifin'ny lohasahan'ny taranak'i Enoma, ao amin'ny tany lemaky ny Rafaima, eo avaratra; dia nidina indray nandeha amin'ny lohasahan'i Enoma, mankamin'ny kisolasola atsimon'ny Jeboseana, dia nidina hatrany amin'ny loharanon'i Rogela; ¹⁷ nandroso any avaratra ary nipaka tamin'i En-semesa, nipaka tamin'i Gelilota izay eo an-tandrifin'ny fiakaran'i Adomima, ary nidina mankamin'ny vaton'i Boena zana-dRobena, ¹⁸ nihazo tamin'ny ilany avaratra ny tendrombohitra eo anoloan'ny Arabaha, nidina tamin'ny Arabaha, ¹⁹ Nihazo tamin'ny kisolasola avaratr'i Beti-Haglà ny faritry ny tany, ary nipaka tamin'ny farany avaratra amin'ny ranomasin-tSira ny faritry ny tany eo amin'ny vava ranon'i Jordany, ao atsimo: izany no farany atsimo. ²⁰ Ary ny farany atsinanana dia Jordany. ²¹ Izany no lovan'ny taranak'i Benjamina amin'ny faritra manodidina azy manontolo, araka ny fianakaviany.

²² Ary ny tanànan'ny fokon'ny taranak'i Benjamina araka ny fianakaviany dia: Jerikao, Beti-Heglà, Eneka-Kaisy, Beti-Arabà, Samaraïma,

²³ Beteta, Avima, Afarà, Ofera, ²⁴ Kefara-Emona, Ofnì ary Gabe: tanàna roa ambin'ny folo sy ny zanabohiny. ²⁵ Gabaona, Ramà, Berota, ²⁶ Mesfe, Kafarà, Amosa, ²⁷ Rekema, Jarefela, Tarelà, ²⁸ Selà, Elefa, Jebosy, dia Jerosalema izany, Gabaata ary Kariata: tanàna efatra ambin'ny folo, sy ny zanabohiny.

Toko faha-19

¹ Simeona no nahazo ny anjara faharoa tamin'ny loka, dia ny fokon-taranak'i Simeona, araka ny fianakaviany: ny lovany dia tao afovoan'ny lovan'ny taranak'i Joda.

² Ary izao no tao amin'ny lovany: Bersabe, Sabea, Moladà, ³ Haser-Soala, Balà, Asema, ⁴ Eltolada, Betola, Harmà, ⁵ Sikelega, Beti-Harkabota, Hasersosa, ⁶ Beti-Lebaota, ary Sarohena: tanàna telo ambin'ny folo sy ny zanabohiny. ⁷ Aina, Bemona, Atera, ary Asàna: tanàna efatra sy ny zanabohiny, ⁸ mbamin'ny zanabohitra rehetra manodidina ireo tanàna ireo, hatrany Baalata-Beera, dia Ramata atsimo. Izany no lovan'ny fokon-taranak'i Seimeona, araka ny fianakaviany. ⁹ Ny anjaran'ny taranak'i Jodà no nangalana ho lovan'ny taranak'i Simeona, satria ny anjaran'ny taranak'i Jodà dia lehibe loatra ho azy ireo, ka tao afovoan'ny taniny no nahazoan'ny taranak'i Simeona ny lovany. ¹⁰ Ny taranak'i Zabolona, araka ny fianakaviany, no nahazo ny anjara fahatelo tamin'ny loka, tonga hatrany Sarida ny faritry ny lovany,

¹¹ niakatra niankandrefana mankany Meralà, ny faritra, nipaka tamin'i Dabaseta, nipaka tamin'ny ranon-driaka ao anoloan'i Jekonama. ¹² Avy eo Sarida dia niolaka niantsinanana manandrify ny masoandro miposaka hatrany amin'ny faritr'i Keseleta-Taboro, nihatra hatrany Dabereta, ary niakatra hatrany Jafie. ¹³ Avy eo dia nihazo tamin'i Gata-Hefera sy Takasina, any atsinanana, manandrify ny masoandro miposaka ary nihatra tamin'i Remona izay mifanolotra amin'ny Noà. ¹⁴ Dia niolaka ny faritry ny tany mianavaratra mankany Hanatona, sy nihatra tamin'ny lohasaha Jeftahela. ¹⁵ Ny tanàna dia Kateta, Naalola, Semerona, Jedalà sy Betilehema, tanàna roa ambin'ny folo ary ny zanabohiny. ¹⁶ Izany no lovan'ny taranak'i Zabolona, araka ny fianakaviany, dia ireo tanàna ireo sy ny zanabohiny. ¹⁷ Isakara no nahazo ny anjara fahefatra tamin'ny loka; dia ny taranak'Isakara, araka ny fianakaviany.

¹⁸ Ka ny faritry ny taniny dia Jezraela Kasalota, Sonema, ¹⁹ Hafaraïma, Seona, Anaharata, ²⁰ Rabota, Kesiona, Abesy, ²¹ Rameta, En-Ganima, En-Haddà, Beti-Fesesa. ²² Ary ny faritry ny taniny dia nikasika any Tabora sy Sedesema ary Beti-Samesy, ka tafapaka hatrany Jordany, tanàna enina ambin'ny folo sy ny zanabohiny. ²³ Izany no lovan'ny fokon'ny taranak'Isakara araka ny fianakaviany, dia ny tanàna sy ny zanabohiny. ²⁴ Ny fokon-taranak'i Asera araka ny fianakaviany, no nahazo ny anjara fahadimy tamin'ny loka.

²⁵ Ny faritry ny taniny dia Halkata, Kalì, Betena Aksafa, ²⁶ Elmeleka, Amaala sy Mesaby; ary eo andrefana, dia nipaka tamin'i Karmela sy Sihora-Labanata, ²⁷ dia niolaka mankany Beti-Dagona, nipaka tamin'i Zabolona sy ny lohasaha Jeftahela eo avaratr'i Beti-Emeka sy Nahiela ary nihatra tamin'ny tanin'i Kabola eo an-kavia, ²⁸ sy Abrana, Rohoba, Hamona ary Kanà, hatrany Sidona Lehibe, ²⁹ dia niolaka ny faritry ny tany mankany Ramaha hatrany Tira, tanàna mimanda, ary niolaka ny faritra mankany Hosa, ka nihatra tamin'ny ranomasina, akaikin'ny faritanin'i Akziba, ³⁰ fanampin'izany Amà, Afeka, ary Rohoba; tanàna roa amby roapolo sy ny zanabohiny. ³¹ Izany no lovan'ny fokon-taranak'i Asera, araka ny fianakaviany, dia ireo tanàna ireo sy ny zanabohiny. ³² Ny taranak'i Neftalì, araka ny fianakaviany, no nahazo ny anjara fahenina, tamin'ny loka.

³³ Ny faritry ny taniny dia hatrany Helefa avy eo amin'ny aoka ao Saananima no nankany Adami-Nekeba sy Jebnaela ka hatrany Lekoma, dia nihatra tao Jordany. ³⁴ Niolaka niankandrefana any Azanota-Tabora ny faritra, ary avy ao dia nihatra tany Hokokà, nipaka tamin'i Zabolona eo atsimo, sy tamin'i Asera eo andrefana, ary tamin'i Jodà, teo akaikin'i Jordany, eo atsinanana. ³⁵ Ny tanàna mimanda dia Asedima, Sera, Emata, Rekata, Kenereta,