Boky Voalohan'ny Tantara

Toko faha-4

²⁴ Zanakalahin'i Simeona: Namoela, Jamina, Jariba, Zarà, Saola, Seloma zanany,

²⁵ Mapsama zanany, Masmà zanany. ²⁶ Zanakalahin'i Masmà: Hamoela zanany, Zakora zanany, Semeì zanany. ²⁷ Semeì nanan-janaka enina ambin'ny folo lahy sy enim-bavy; nanan-janaka lahy maro ny rahalahiny, ary tsy nitombo toy ny zanak'i Jodà ny fianakaviany rehetra. ²⁸ Ny nonenan'izy ireo dia tao Bersabea, tao Moladì, tao Hasar-Soala, ²⁹ tao Balì, tao Asoma, tao Tolada, ³⁰ tao Batoela, tao Hormì, tao Sikelega, ³¹ tao Beta-Markabota, tao Hasar-Sosima, tao Beta-Beraì ary tao Saarima: ireo no tanànany aman-jana-bohiny, hatramin'ny andro nanjakan'i Davida. ³² Azy ireo koa Etama, Aena, Remmona, Tokena sy Asana, tanàna dimy, ³³ mbamin'ny zanabohiny rehetra izay tao amin'ny manodidina an'ireo tanàna ireo, hatrany Baala. Ireo no fonenany, sy ny taratasy tetiaram-pirazanan'izy ireo. ³⁴ Mosobaba, Jemleka, Josì, zanakalahin'i Amasiasa,

³⁵ Joela, Jehò, zanak'i Josabiasa, zanak'i Saraiasa, zanak'i Asiela, ³⁶ Elioenaì, Jakoba, Isohaià, Asaià, Adiela, Ismiela, Banaia, ³⁷ Zizà, zanak'i Sefeì, zanak'i Alòna, zanak'i Idaià, zanak'i Semrì, zanak'i Samaià. ³⁸ Ireo lehilahy voatonona amin'ny anarany ireo, dia samy filohany amin'ny fianakaviany avy; nitombo fatratra ny fokom-pianakaviany, ³⁹ ka nankany amin'ny hadilalan'i Gadora izy, hatrany amin'ny ilany atsinanana amin'ny lohasaha, mba hitady tany fiandrasam-biby ho an'ny biby fiompiny. ⁴⁰ Dia nahita tany fiandrasam-biby lonaka sy tsara izy, tany malalaka, mandry fahizay sy miadana; taranak'i Khama ny mponina tao fahataloha. ⁴¹ Tamin'ny andron'i Ezekiasa, mpanjakan'i Jodà, no nahatongavan'ireo olona voasoratra anarana ireo. Noravany ny lain'izy ireo mbamin'ny Maonita hitany tao, ka nony efa nataony anatema mandrak'androany, dia izy ireo no nisolo toerana azy, nonina teo, satria nisy ahitra ho an'ny biby fiompiny tao. ⁴² Nisy taranak'i Simeona koa, diman-jato lahy no isany, nankany amin'ny tendrombohitra Seira. Faltiasa, Naariasa, Rafaiasa, ary Oziela, zanak'i Jesì, no filohan'ireo.

⁴³ nandresy ny Amalesita sisa afa-nandositra izy ireo dia niorom-ponenana teo mandrak'androany.

Toko faha-5

¹ Zanakalahin-dRobena lahimatoan'Israely. Fa izy no lahimatoa, saingy noho izy nandoto ny farafaran-drainy, dia nomena ny zanak'i Josefa zanak'Israely, ny fizokiany; tsy dia nosoratana ho zokiny amin'ny tetiaram-pirazanana anefa Josefa.

² Fa nahery tamin'ny rahalahiny Jodà ary izy no nihavian'ny filoha anankiray, nefa an'i Josefa ihany ny fizokiana. ³ Zanakalahin-dRobena lahimatoan'Israely: Enaoka, Falò, Esrona ary Karmì. ⁴ Zanakalahin'i Joela: Samià zanany; Goga zanany; Semeì zanany;

⁵ Mikà zanany; Reià zanany; Baala zanany; ⁶ Beerà zanany, izay nobaboin'i Tegatfalnasara mpanjakan'i Asiria; anisan'ny loham-pirenen'ny Robenita izy. ⁷ Rahalahin'i Beera, samy araka ny fianakaviany avy, araka ny nanoratana azy ao amin'ny tetiarana, araka ny taranany: Jehiela, ny filohany, sy Zakaria, ⁸ Balà zanak'i Azaza zanak'i Sammà zanak'i Joela; Balà dia nonina tany Aroera ka hatrany Nebao sy Beela-Meona, ⁹ ary ny nonenany tany atsinanana, dia hatrany akaikin'ny efitra, izay miantomboka any amin'ny ony Eofrata, fa betsaka ny andiam-biby fiompiny tany Galaada. ¹⁰ Tamin'ny andron'i Saola niady tamin'ny Agareana izy, ka naharesy an'ireny, dia nonina tao amin'ny lainy eran'ny ilany atsinanana rehetra amin'i Galaada. ¹¹ Ny taranak'i Gada, dia nonina tandrifin'ireo, tao amin'ny tany Basàna hatrany Selkà, dia ireto:

¹² Joela filohany, Safàna no manarakaraka, vao Janaì sy Safata tany Basàna. ¹³ Ny rahalahin'ireo araka ny fokom-pianakaviany avy dia Mikaela, Mosolama, Sebe, Joraì, Jakàna, Zie ary Hebera, fito izy. ¹⁴ Izy ireo dia zanakalahin'i Abihaila zanak'i Horì, zanak'i Jerà, zanak'i Galaada, zanak'i Mikaela, zanak'i Jesesì, zanak'i Jedao, zanak'i Boza. ¹⁵ Akì zanak'i Abdiela, zanak'i Gonì, no lohan'ny fokom-pianakaviany. ¹⁶ Nonina tany Galada tany Basàna izy ireo ary tany amin'ny tanàna momba azy sy amin'ny tanimbilon'i Saròna, hatrany an-tsisiny. Tamin'ny andron'i Joatama mpanjakan'i Jodà, sy ny andron'i Jeroboama, mpanjakan'Israely, ¹⁷ no efa nanoratana an'ireo zanak'i Gada rehetra tamin'ny tetiaram-pirazanana. ¹⁸ Tamin'ny tarana-dRobena sy ny Gadita ary antsasaky ny fokon'i Manase dia nisy lehilahy mahery, mahatana ampinga aman-tsabatra, mahalefa tsipìka, zatra an'ady, enimpolo sy fiton-jato amby efatra arivo sy efatra alina ny isany, samy vonon-kilatsaka ho mpiady.

¹⁹ Niady tamin'ny Agareana izy ireo, sy tamin'i Jetora, Nafisa, ary Nodaba. ²⁰ Nisy nanampy azy hamely an'ireo ka voatolotra teo an-tànany ny Agareana mbamin'izay rehetra nomba azy. Fa nitaraina tamin'Andriamanitra izy ireo, teo am-piadiana, ka nohenoiny noho ny fitokiany azy. ²¹ Dia nobaboiny ny andiam-biby fiompin'ireny, rameva dimy alina, ondry dimy alina sy roa hetsy, ampondra roa arivo, olona iray hetsy. ²² Fa be maty ny olona, satria avy amin'Andriamanitra ny ady. Ary izy ireo no nonina nandimby an'ireny, mandra-pahatongan'ny fahababoana. ²³ Ny taranaky ny antsasaky ny fokon'i Manase dia nonina tamin'ny tany hatrany Basana ka hatrany Baal-Hermona sy Sanira ary ny tendrombohitra Hermona; maro izy ireo.

²⁴ Ireto no lohany amin'ny fianakaviany: Efera, Jesì, Ezriela, Jeremià, Odoià, ary Jediela, lehilahy matanjaka sy mahery, lehilahy malaza, lohan'ny fokom-pianakaviany avy. ²⁵ Nivadika tamin'ny Andriamanitry ny razany anefa izy ireo, fa nitolo-tena hanaraka ny andriamanitry ny vahoakan'ny tany izay naringan'Andriamanitra teo anoloany.

²⁶ Ka namporisihin'ny Andriamanitr'Israely, ny fanahin'i Fola mpanjakan'i Asiria sy ny fanahin'i Telgatfalnasara, dia nentin'ireo babo ny Robenita sy ny Gadita ary ny antsasaky ny fokon'i Manase, nentiny nankany Hala sy Habora ary Arà mbamin'ny ony Gozana mandrak'androany. ²⁷ Zanakalahin'i Levì: Gersona, Kaata, ary Merarì.

²⁸ Zanakalahin'i Kaata: Amrama, Isaara, ary Oziela. ²⁹ Zanak'i Amrama: Aarona, Moizy, ary Maria. Zanakalahin'i Aarona: Nadaba, Abiò, Eleazara ary Itamara. ³⁰ Eleazara niteraka an'i Finea, Finea niteraka an'i Abisoe.