Boky Voalohan'ny Tantara

Toko faha-6

⁴⁰ dia nomena an'i Hebrona mbamin'ny tany fiandrasam-biby manodidina azy teo amin'ny tanin'i Jodà; ⁴¹ ny faritanin'ny tanàna kosa anefa mbamin'ny vohiny, dia nomena an'i Kaleba zanak'i Jefone. ⁴² Ny nomena ny taranak'i Aarona ary dia Hebrona tanàna fialofana, ⁴³ Lobnò, mbamin'ny tany fiandrasana biby momba azy, Jetera, Estemao mbamin'ny tany fiandrasana biby momba azy; ⁴⁴ Dabira mbamin'ny tany fiandrasana biby momba azy; Asòna mbamin'ny tany fiandrasana biby momba azy ; Betsemesa mbamin'ny tany fiandrasana biby momba azy ; ⁴⁵ ny avy amin'ny fokon'i Benjamina kosa, dia Gabea mbamin'ny tany fiandrasana biby momba azy ; Almata mbamin'ny tany fiandrasana biby momba azy. Totalin'ny tanànan'izy ireo, tanàna telo ambin'ny folo araka ny fianakaviany. ⁴⁶ Ny azon'ny taranak'i Kaata sisa, tamin'ny loka, dia tanàna folo, avy amin'ny foko sy ny antsasa-pokon'i Manase. ⁴⁷ Ny tarakan'i Gersoma, araka ny fianakaviany, dia nahazo tanàna telo ambin'ny folo, avy amin'ny fokon'Isakara sy ny fokon'i Asera, ary ny fokon'i Neftalì, sy ny fokon'i Manase, tany Basòna. ⁴⁸ Ny taranak'i Merarì araka ny fianakaviany dia nahazo tamin'ny loka tanàna roa ambin'ny folo, avy amin'ny fokon'i Zabolona. ⁴⁹ Nanome ny tanàna, mbamin'ny tany fiandrasam-biby momba azy, ho an'ny Levita ny zanak'Israely. ⁵⁰ Tamin'ny filokana no nanomezany azy an'ireo tanàna voatendry amin'ny anarany ireo avy amin'ny fokon'ny zanak'i Jodà sy ny fokon'ny zanak'i Simeona, ary ny fokon'ny zanak'i Benjamina. ⁵¹ Ny sasany amin'ny fianakavian'ny taranak'i Kaata anefa, dia avy amin'ny fokon'i Efraima, ny tanàna azony;

⁵² ka izao no nomena azy ireo : Sikema, tanàna fialofana, mbamin'ny tany fiandrasana biby momba azy, teo amin'ny tendrombohitr'i Efraima; Gazera, mbamin'ny tany fiandrasana biby momba azy ; ⁵³ Jekmaama, mbamin'ny tany fiandrasana biby momba azy; Betorona, mbamin'ny tany fiandrasana biby momba azy; ⁵⁴ Helona mbamin'ny tany fiandrasana biby momba azy; Geth-Remmona, mbamin'ny tany fiandrasana biby momba azy; ⁵⁵ ary ny avy amin'ny antsasa-pokon'i Manase, Anera, mbamin'ny tany fiandrasana biby momba azy ; Balaama, mbamin'ny tany fiandrasana biby momba azy, ho an'ny fianakavian'ny taranak'i Kata sisa. ⁵⁶ Ny nomena ny taranak'i Gersoma avy amin'ny fianakavian'ny antsasa-pokon'i Manase: Gaolona any Basòna, mbamin'ny tany fiandrasana biby momba azy; Astarota mbamin'ny tany fiandrasana biby momba azy;

⁵⁷ avy amin'ny fokon'Isakara: Kedesa, mbamin'ny tany fiandrasana biby momba azy; Dabereta, mbamin'ny tany fiandrasana biby momba azy; ⁵⁸ Ramota, mbamin'ny tany fiandrasana biby momba azy; Anema, mbamin'ny tany fiandrasana biby momba azy; ⁵⁹ avy amin'ny fokon'i Asera: Masala, mbamin'ny tany fiandrasana biby momba azy; ⁶⁰ Hokòka, mbamin'ny tany fiandrasana biby momba azy; Rohoba, mbamin'ny tany fiandrasana biby momba azy; ⁶¹ avy amin'ny fokon'i Neftalì: Kedesa, any Galilea, mbamin'ny tany fiandrasana biby momba azy; Hamona, mbamin'ny tany fiandrasana biby momba azy; ary Kariataima, mbamin'ny tany fiandrasana biby momba azy. ⁶² Ny nomena ny Levita sisa taranak'i Merarì : avy amin'ny fokon'i Zabolona: Remmonao, mbamin'ny tany fiandrasana biby momba azy ; Tabora, mbamin'ny tany fiandrasana biby momba azy ;

⁶³ ny eny an-dafin'i Jordany, tandrifin'i Jerikao, atsinanan'i Jordany: avy amin'ny fokon-dRobena : Bosora any an'efitra, mbamin'ny tany fiandrasana biby momba azy; Jasò, mbamin'ny tany fiandrasana biby momba azy ; ⁶⁴ Kademota, mbamin'ny tany fiandrasana biby momba azy; Mefaata, mbamin'ny tany fiandrasana biby momba azy; ⁶⁵ avy amin'ny fokon'i Gada : Ramota, any Galaada, mbamin'ny tany fiandrasana biby momba azy ; Manaima, mbamin'ny tany fiandrasana biby momba azy ; ⁶⁶ Hesebona, mbamin'ny tany fiandrasana biby momba azy ; Jezera, mbamin'ny tany fiandrasana biby momba azy.

Toko faha-7

¹ Zanakalahin'Isakara: Tolà, Foà, Josoba ary Simerona: efatra izy.

² Zanakalahin'i Tolà: Ozia, Rafaia, Jeriela, Jemaia, Jebsema, ary Samoela, samy lohan'ny fokom-pianakaviany izay avy amin'i Tolà, lehilahy mahery, voasoratra araka ny taranany tamin'ny andron'i Davida, enin-jato sy roa arivo sy roa alina no isany. ³ Zanakalahin'i Ozia: Izrahia. Zanakalahin'Izrahia: Mikaela, Obadià, Johela, ary Jesià, filohany dimy izy rehetra. ⁴ Nana-miaramila momba azy, efa hary fitaovana hiantafika izy ireo, araka ny fianakaviana fihaviany, araka ny fokom-pianakaviany avy, nisy enina arivo sy telo alina ireny, fa maro vady aman-janaka izy. ⁵ Ny rahalahin'izy ireo araka ny fianakaviana ao amin'Isakara rehetra, lehilahy mahery, dia nisy fito arivo sy valo alina ny tontaliny, voasoratra amin'ny tetiaram-pirazanana. ⁶ Zanakalahin'i Benjamina: Belà, Bekora, ary Jadiela, telo izy.

⁷ Zanakalahin'i Belà: Esbona, Ozia, Oziela, Jerimota ary Oraia; dimy izy lohan'ny fokom-pianakaviana, lehilahy mahery, efa-jato sy roa arivo amby roa alina no isany, voasoratra amin'ny tetiarana. ⁸ Zanakalahin'i Bekora: Zamirà, Joasa, Eliezera, Elionaia, Amria, Jerimota, Abià, Anatota, ary Almata. Zanakalahin'i Bekora avokoa izy rehetra ireo, ⁹ voasoratra amin'ny tetiaram-pirazanana araka ny taranany avy, ho lohan'ny fokom-pianakaviny, lehilahy mahery, roan-jato sy roa alina no isany. ¹⁰ Zanakalahin'i Jadihela: Balàna. Zanakalahin'i Balàna: Jehosy, Benjamina, Aoda, Kanàna, Zetàna, Tarsisa, ary Abisahera: ¹¹ Zanakalahin'i Jadihela avokoa izy rehetra ireo, samy lohan'ny fokom-pianakaviany, lehilahy mahery, roan-jato amby fito arivo sy iray alina ny isany, mahazo mitondra fiadiana hiantafika. ¹² Zanakalahin'i Hira: Sefama sy Hafamà. Zanakalahin'i Ahera: Hasima.

¹³ Zanakalahin'i Neftalì: Jasiela, Gonia, Jesera ary Seloma, zanakalahin'i Bala.

¹⁴ Zanakalahin'i Manase: Esriela. Ilay Siriana vaditsindranony, niteraka an'i Makira, rain'i Galaada.

¹⁵ Makira naka vady tamin'ny avy amin'i Hapfima sy Safàna: Maakà no anaran'ny anabaviny. Salfaada no zanany lahiaivo, ary nanan-janakavavy Salfaada. ¹⁶ Nitera-dahy Maakà, vadin'i Makira, ka nataony hoe Faresa no anarany ary Saresa no anaran'ny rahalahiny: Olama sy Resena no zanany lahy. ¹⁷ Zanakalahin'i Olama: Badàna. Ireo no zanakalahin'i Galaada, zanak'i Makira, zanak'i Manase. ¹⁸ Ary Hamoleketa anabaviny, niteraka an'Iskoda, Abiezera, ary Moholà. ¹⁹ Ny zanakalahin'i Semidà dia Ahina, Sekema, Lesia ary Aniama. ²⁰ Zanakalahin'i Efraima: Sotalà, Bareda zanany, Tahata zanany, Eladà zanany, Tahata zanany,

²¹ Zobada zanany, Sotalà zanany, ary Ezera sy Eladà izay novonoin'ny lehilahy tao Geta, izay tera-tany, fa nidina hangalatra ny biby fiompiny. ²² Nisaonan'i Efraima rainy ela izy ireo, ka tonga ny rahalahiny hampionona azy. ²³ Nandeha tamin'ny vadiny izy, dia nanan'anaka ravehivavy, ka nitera-dahy; dia nomeny anarana hoe Berià, satria tra-pahoriana izy ireo tao an-tranony.