Bokin'ny Eklesiastika

1. Fototry ny fahendrena - Ny fahatahorana an'Andriamanitra sy ny fifandraisany amin'ny fahendrena.

2. Faharetana amin'ny fizahan-toetra - Fitokiana an'Andriamanitra.

3. Adidin'ny zanaka amin'ny ray aman-dreniny - Fanetren-tena - Ny hatao amin'ny mahantra.

4. Ny adidy amin'ny mahantra - Tombon-tsoa avy amin'ny fahendrena - Torohevitra samihafa.

5. Fitokiana mandoza - Ny miroa lela.

6. Ny amin'ny fiavonavonana - Ny tombontsoa avy amin'ny fisakaizana - Famporisihana ho hendry.

7. Fotokevitra maro samihafa - Ny tokony hatao amin'ny sakaiza sy ny ankohonana momba ny fivavahana sy ny fitiava-namana.

8. Fitsipi-pahamalinana hotandremana amin'ny fifankahazoana amin'olona.

9. Fifandraisana amin'ny vehivavy, amin'ny sakaiza tranainy, amin'ny mpanota ambinina, ny mahery, ny hendry sy ny marina, ny mpitsara hendry sy ny basivava.

10. Ny mpanapaka hendry, sy ny adala - Avonavona sy rehareha - Hakamoana, voninahi-poana, tena voninahitra.

11. Aza mijery ny ivelany fotsiny - Aza maniny na miteniteny foana - Avy amin'Andriamanitra ny fahantrana sy ny harena - Halaviro ny fifankahazoana fatratra amin'ny ratsy fanahy.

12. Tsy manao soa afa-tsy amin'ny marina - Tsy matoky ny fahavalo.

13. Loza ateraky ny fifandraisan'ny lehibe sy ny kely, ny mpanana sy ny mahantra - Tomban'ny harena sy ny fahantrana.

14. Fiadanana raha tsara ny konsiansy - Ny amin'ny fahihirana sy ny fampiasana tsara ny harena - Sambatra izay miasa hahitany ny fahendrena.

15. Fiderana ny fahendrena - Tsy namorona ny ratsy Andriamanitra fa nanome sadify ny olombelona.

16. Tsy faniry ny zaza ratsy fanahy: mitari-doza isankarazany ireny, fa Andriamanitra tsy hoe mamindra fo ihany, fa marina sy mamaly ny heloka koa izy, ary tsy misy mety hiery azy.

17. Ny nahariana ny olombelona; ny fifankahazoany amin'Andrimanitra - Fijeren'Andriamanitra sy fitandremany ny asany rehetra - Aoka hiverina amin'Andriamanitra izay miantra ny halemeny, ny olombelona.

18. Ny halehibeazan'Andriamanitra, mitaha amin'ny fahalemen'ny olombelona, anton'ny famindram-pon'Andriamanitra - Aoka homban-teny soa, ny soa atao - Foto-kevitra samihafa avy amin'ny fahendrena.

19. Ny fimamoana sy fahalotoana - Ny tati-bolana - Fotory aloha vao manameloka - Ny fahendrena marina sy ny fahendrena hosoka.

20. Misy fotoana sy antony hitenenana sy hanginana - Fisehoana manodoka - Ny fanomezan'ny adala - Ny lozan'ny lela - Foto-kevitra samihafa.

21. Andosiro ny fahotana - Ny hendry sy tia vavaka, mitaha amin'ny adala sy ratsy fanahy, amin'ny zavatra maro.

22. Ny hakamoana - Ny zaza ratsy taiza - Ny adala sy ny hendry - Ny amin'ny fisakaizana.

23. Fangatahana harovana amin'ny fahotan'ny lela - Fitandremana momba ny teny - Fandosirana ny fanaranam-batana.

24. Ny fankalazana ny fahendrena - Ny fahendrena ao amin'Israely, sy ao amin'ny lalàna.

25. Zavatra tian'ny olona sy zavatra ankahalainy - Ny fahendrena no voninahitry ny anti-panahy - Ny fahatahorana an'Andriamanitra - Ny vehivavy ratsy fanahy.

26. Ny vehivavy ratsy fanahy sy ny vehivavy tsara fanahy - Zavatra telo mampalahelo.

27. Momba ny varotra - Ny fitenin'ny olona sy ny ao am-pony - Fitenin'ny olona adala - Tsy fahatanam-bava - Ny fihatsarambelatsihy.

28. Mamelà mba ho avela - Ny fifandirana - Ny vava ratsy.

29. Ny mampisambotra sy ny miantoka dia asa fiantrana - Aleo mitoetra mahantra ao an-tranon'ny tena, toy izay any an-tranon'ny hafa.

30. Fanabeazana ny zaza - Ny hasalamana - Ny hafaliam-po.

31. Fitadiavana ny harena mandalo - Ny mety amin'ny fihinanana sy ny fahalalana onony.

32. Fitsipika harahina amin'ny fanasana - Ny fanajana ny lalàna.

33. Ny fahatahorana an'Andriamanitra - Tsy fitovian'ny toetra - Famaranana - Aza mizara fananana alohan'ny fahafatesana - Ny amin'ny mpanompo.

34. Zava-poana ny nofy - Mahasoa ny fivahiniana - Arovan'Andriamanitra izay matahotra azy - Ny fanompoana an'Andriamanitra marina.

35. Ny amin'ny sorona - Mihaino ny vavaky ny mahantra Andriamanitra, ary manameloka ny fo tsy antra - Hamaly ny mpanompo sampy miavonavona izy; ary fitsarana sy famindram-po amin'ny vahoakany.

36. Fangatahana hanafahany an'Israely sy hiverenany any an-tanindrazany - Ny amin'ny fifidianana izay hovadina.

37. Ny tena sakaiza sy ny sakaiza manody - Ny mpanoro hevitra hihatahana sy ny hohatonina - Fahendrena marina, fahendrena tsy izy.

38. Ny amin'ny dokotera sy ny fitsaboan-tena - Ny amin'ny maty - Ny mpanao taozavatra sy ny mpanoratra.

39. Ny hendry miolotra amin'ny mpiasa - Tsara avokoa ny asan-tànan'Andriamanitra.

40. Fahoriana amin'ny fiainan'ny olombelona - Hatsaram-po sy haratsiam-panahy - Izay tsara indrindra - Ny mpangataka.

41. Fiheverana ny fahafatesana - Sazinin'ny ratsy fanahy - Ny henatra marina sy ny henatra diso.

42. Zavatra tokony tsy hananan-kenatra - Famporisihana ny rain'ny fianakaviana, momba ny zanany vavy: aoka hiaro tena amin'ny vehivavy izy - Hery, fahaizana, fahendren'Andriamanitra miseho amin'ny asany.

43. Fahalavorarian'ny asan'Andriamanitra.

44. Fiderana ny Razana - Henaoka sy Noe - Abrahama, Isaaka, Jakoba.

45. Fiderana an'i Moizy, Finea, Aarona.

46. Josoe sy Kaleba - Ny mpitsara - Samoela.

47. Natana sy Davida - Salomona - Nisaraka ho fanjakana roa ny firenena.

48. Elia - Elisea - Ezekiasa sy Izaia.

49. Josiasa mpanjaka farany sy ny mpaminany farany - Zorobabela, Jesò, ary Nehemia - Hanaoka, Josefa, Sema, Seta, Adama.

50. Fankazalana an'i Simona zanak'i Oniasa - Famaranana.

51. Fanampiny: Vavak'i Jesò, zanak'i Siraka.

© Eugene Heriniaina - serasera.org 1999 - 2025 - page load 0.0094