Boky Faharoan'ny Tantara

1. Ny sorona naterin'i Salomona tany Gabaona - Ny nanomezan'Andriamanitra fahendrena azy - Ny hareny.

2. Ny niomanan'i Salomona hanao ny tempoly.

3. Ny nanaovana ny tempoly: Habeny manontolo - Efi-trano fidirana - Fitoerana masina indrindra - Kerobima - Efitra lamba - Ny andry roa - Kapoaka masina - Fanaka samihafa.

4. Ny fanaka momba ny tempoly.

5. Fitokanana ny tempoly.

6. Vavaka nataon'i Salomona.

7. Fanolorana sorona - Fisehoan'Iaveh tamin'i Salomona fanindroany.

8. Tanàna naorin'i Salomona - Fandaminana ny fombam-pivavahana fanao ao amin'ny tempoly vaovao - Sambo nalefa tany Ofira.

9. Ny mpanjakavavin'i Sabà tonga tao Jerosalema - Ny haren'i Salomona - Ny nahafatesany.

10. Mivaky roa ny fanjakana: Roboama mpanjakan'i Jodà, Jeroboama mpanjakan'Israely.

11. Ny nanjakan-dRoboama - Ny nataony hanamafy ny fanjakany.

12. Nanompo sampy Roboama - Nibosesika Sesàka - Maty Roboama.

13. Abià mpanjakan'i Jodà - Ady tamin'i Jeroboama mpanjakan'Israely.

14. Asà mpanjakan'i Jodà - Ny nandreseny an'i Zarà, Etiopiana.

15. Ny faminanian'i Azariasa - Ny nandravan'i Asà ny fanompoan-tsampy - Ny nanavaozan'ny vahoaka ny fanekena tamin'Iaveh.

16. Adin'i Asà tamin'i Baasà, mpanjakan'Israely - Fahafatesan'i Asà.

17. Josafata mpanjakan'i Jodà - Fitiavany vavaka sy fanambinana azy.

18. Ny niadian'i Josafata sy Akaba tamin'ny Siriana.

19. Nanome tsiny an'i Josafata, Jehò mpaminany, noho ny nihavanany tamin'i Akaba - Fanatsarana ny fitondram-panjakana sy ny fitsarana.

20. Ny nandresen'i Josafata ny Moabita sy ny Amonita - Fanekem-pihavanan'izy sy Okoziasa mpanjakan'Israely.

21. Jorama mpanjakan'i Jodà - Ny nanompoany sampy - Ny nanafihan'ny Filistina sy ny Arabo azy.

22. Okoziasa mpanjakan'i Jodà - Atalia.

23. Ny nanonganana sy namonoana an'i Atalia.

24. Joasa mpanjakan'i Jodà - Ny nanamboarana ny tempoly - Ny nahafatesan'i Joiadà - Ny niverenana tamin'ny fanompoan-tsampy - Ny nitoraham-bato an'i Zakaria, zanak'i Joiadà - Tafiky ny Siriana - Ny namonoana an'i Joasa.

25. Amasiasa mpanjakan'i Jodà - Ny nandresena ny Idomeana - Ady lozan-tany tamin'i Joasa mpanjakan'Israely - Ny nahafatesan'i Amasiasa.

26. Oziasa mpanjakan'i Jodà - Ny ady nataony, ny trano naoriny, ny herim-po-miaramila nasehony - Ny fiavonavonan'i Oziasa sy ny sazy nanjò azy.

27. Joatama mpanjakan'i Jodà.

28. Akaza mpanjakan'i Jodà - Fanompoan-tsampy sy famaizana.

29. Ny nanjakan'i Ezekiasa - Ny nanadiovany ny tempoly sy nanaovana ny fombam-pivavahana indray.

30. Fankalazana manetriketrika ny fetin'ny Paka.

31. Ny nandravana ny sampy amam-pitoerana avo - Ny raharaha amam-piveloman'ny mpisorona sy ny Levita.

32. Ny nanafihan'i Senakeriba mpanjakan'i Asiria an'i Jodà, sy ny nandravana ny tafiny.

33. Manase sy Amòna mpanjakan'i Jodà.

34. Josiasa mpanjakan'i Jodà - Ny fahazotoany handrava ny fanompoan-tsampy - Ny nahitana ny bokin'ny lalàna tao an-tempoly.

35. Fankalazana manetriketrika ny Paka - Matin'ny mpandefa-tsipìkan'i Nekao, mpanjakan'i Ejipta, Josiasa.

36. Ny mpanjaka farany tamin'i Jodà: Joakaza, Joakima, Joasina, Sedesiasa - Ny nandravan'i Nabokodonozora an'i Jerosalema - Lasan-ko babo Jodà - Ny niafaran'ny fahababoana, tamin'ny andron'i Sirosa.

© Eugene Heriniaina - serasera.org 1999 - 2025 - page load 0.0104