Bokin'i Joba

1. Ny amin'i Joba: toetrany, hareny, fitiavany vavaka, fitsapan'Andriamanitra azy.

2. Joba nozahan-toetra tamin'ny aretina mahatsiravina nahazo ny tenany - Tsy nivadika tamin'Andriamanitra izy na dia nesoin'ny vavy aza - Ny nahatongavan'ireo sakaizany telo lahy.

3. Fitarainan'i Joba.

4. Lahatenin'i Elifaza: Ny ratsy fanahy ihany no voasazy - Tsy misy afa-tsiny eo imason'Andriamanitra.

5. Tsy ny mitaraina foana, fa ny mihaiky heloka no mety hahitana fiadanana indray.

6. Ny navalin'i Joba an'i Elifaza: Mafy loatra tsy hita holazaina ny fijaliany - Ny sakaizany tsy mahay mampionona azy - Tsy misy fahotana nataony.

7. Ratsy ny fiainan'ny olona eto an-tany - Ny hahataperany haingana no irin'i Joba.

8. Lahatenin'i Baldada: Marina Andriamanitra - Ny ratsy fanahy no levona vetivety foana.

9. Ny navalin'i Joba an'i Baldada. Tsy maintsy mihaiky heloka eo anatrehan'Andriamanitra, na dia izay manao ny tenany ho marina aza - Tsy manan-tsiny aho, hoy Joba, nefa tsy ahoan'Andriamanitra izany.

10. Moa faly mikapoka ny tsy manan-tsiny va Andriamanitra? - Homeny andro hiainany kely anie Joba alohan'ny hahafatesany.

11. Lahatenin'i Sofara: Raha ambaran'Andriamanitra ny fahotan'i Joba dia tsy mifandanja aminy izao sazy mihatra izao - Aoka hanenina izy dia ho voavonjy.

12. Ny navalin'i Joba an'i Sofara: Fihomehezan'ny sakaizany ny olo-marina - Tsy misy tsy mahalala ny fahefan'Andriamanitra, miseho amin'ny asan-tànany.

13. Miangatra ireto sakaizan'i Joba ka tsy hankasitrahan'Andriamanitra ny teniny entiny miaro azy - Handahatra amin'ny adiny Joba rahefa voaesotra aminy ny loza manjo azy.

14. Fohy sady ratsy ny andron'ny olona eto an-tany - Ny maty tsy mba tahaky ny hazo, ka velona indray rahefa maty - Ny fonenan'ny maty tsy hierena vetivety.

15. Lahatenin'i Elifaza fanindroany: Ny tenin'i Joba ihany no manameloka azy - Mitsangan-kiady amin'Andriamanitra izy nefa tsy misy olona marina eo anatrehany - Tenin'olon-kendry momba ny sazy hihatra amin'ny ratsy fanahy.

16. Ny navalin'i Joba an'i Elifaza: Foana tsy misy fotony ny tenin'ireo sakaizany - Fa Andriamanitra moa no nanolotra azy tsy manan-tsiny eo an-tànan'ireo - Izy no hanafaka azy.

17. Tsy mety momba ny ratsy fanahy Andriamanitra - Ny ho faty no anjara tsy azo idifiana.

18. Lahatenin'i Baldada: Maniny an'i Joba izy - Faharavan'ny ratsy fanahy - Tsy hanam-paramandimby izy.

19. Ny navalin'i Joba an'i Baldada: Avy amin'Andriamanitra ny fahoriany - Ny sakaizany no nantenainy hangoraka azy amin'ny loza - Diso fanantenana izy - Andriamanitra ihany no hamonjy azy.

20. Lahatenin'i Sofara: Tsy maharitra ny fandresen'ny ratsy fanahy - Izay norobainy sy izay maminy indrindra tsy misy hoentiny miala eto an-tany - Fa ny loza no misesy mamely azy.

21. Ny valin'i Joba: Tsia, tsy marina ny hoe: azon-doza mandrakariva ny ratsy fanahy sady hampitovin'ny fahafatesana ny tsara sy ny ratsy - Koa lainga tsara lahatra ny tenin'ireto sakaizany.

22. Lahatenin'i Elifaza: Ny mahavoasazy an'i Joba dia ny otany sy ny teniny ratsy - Nefa na dia amin'izao izy mbola mahazo mihavana amin'Andriamanitra, ka hahita fiadanana.

23. Ny navalin'i Joba: Raha azony hiakarana mantsy ny fiketrahan'Andriamanitra! - Fantatry ny Tompo ny fahamarinany; fa misy hevitra tsy tiany hovana.

24. Misy haratsiana maro samihafa izay toa tsy heverin'Andriamanitra akory.

25. Lahatenin'i Baldada: Tsy misy olona madio eo anatrehan'Andriamanitra masina indrindra.

26. Ny navalin'i Joba - Filazana ny fahefana amam-pahendren'Andriamanitra.

27. Anjaran'ny ratsy fanahy.

28. Fikarohana ny fahendrena.

29. Tenin'i Joba - Fiadanan'ny tsara fanahy.

30. Miteny Joba: mitaraina noho ny fahoriana manjo azy.

31. Milaza ny tsy fananay tsiny Joba.

32. Lahateny voalohany nataon'i Elio.

33. Ny fomba fananaran'Andriamanitra ny olombelona - Ny famindram-pony.

34. Tenin'i Elio fanindroany: Tenenin'i Elio Joba fa nanao an'Andriamanitra ho tsy marina.

35. Tenin'i Elio fanintelony: Ny fahamarinan'ny olona tsy azony itokiana valy amin'Andriamanitra - Ny vavaka ombam-panetren-tena ihany no henoin'ny Tompo.

36. Tenin'i Elio faninefany: Marina Andriamanitra: mamaly ny tsara sy ny tsara araka ny asany; sady mahefa ny zavatra rehetra izy.

37. Ny tafio-drivotra mampiseho ny fahefan'Andriamanitra.

38. Ny navalin'ny Tompo an'i Joba, lahateny voalohany: Anontanian'Andriamanitra Joba izay mba anjarany tamin'ny nahariana izao zava-mahagaga rehetra izao.

39. Zava-mahagaga nataon'Andriamanitra nampiseho ny fahefany amam-pahendreny tsy takatra heverina.

40. Tenin'ny Tompo fanindroany - Fahosan'ny olona raha heverina ny asa lehibe vitan'Andriamanitra - Behemota.

41. Fahosan'ny olona, raha heverina ny asa lehibe vitan'Andriamanitra - Leviatana.

42. Valintenin'i Joba - Tsinin'Iaveh ny sakaizan'i Joba - Averina amin'ny toetrany taloha Joba.

© Eugene Heriniaina - serasera.org 1999 - 2024 - page load 0.0085