Bokin'i Jeremia

1. Lohateny - Fiantsoana an'i Jeremia ho mpaminany.

2. Ny fivadihan'Israely miolotra amin'ny tsy fivadihan'Andriamanitra - Tsara ny niandohan'Israely, ka nankasitrahan'Iaveh izy, kanjo nivadika nanompo sampy izy tatý aoriana, ka hatolotra amin'ny firenena; latsa-paka sy tsy misy hialany tsiny ny fahotany; tsy misy famelan-keloka ho azy intsony.

3. Ny fanenenana no ahazoana famelana.

4. Ny tena fibebahana marina - Fanafihan'ny avy any ivelany - Filazana mahonena ny fitsaran'Andriamanitra; akaiky ny fahavalo; tonga avy any an-tendrombohitr'i Efraima izy: horavana Jodà, nefa tsy hofongorana akory.

5. Fahasimbana amam-pikorontanana mahazo an'i Jerosalema.

6. Ny famalian'Andriamanitra - Fanehoana ny hanaovana fahirano an'i Jerosalema - Ny hamafin'ny fon'ny olona no nahatonga izany loza izany - Fanatanterahana ny fanamelohana.

7. Fiankinana tsy misy antony, amin'ny tempoly sy ny sorona - Tsinin-dry zareo mba tonga ao an-tempoly ihany - Aoka ny mpaminany tsy hifona ho an'ny olona intsony - Lavin'Andriamanitra ny sorona voaloton'ny fahotana - Antomotra ny famaizana.

8. Fanomezan-tsiny sy fandrahonana indray.

9. Fanomezan-tsiny sy fandrahonana (tohiny).

10. Iaveh sy ny sampy - Mihaiky fa mendrika ho sazina Jerosalema.

11. Nivadi-panekena - Ny mpaminany enjehin'ireo miara-monina aminy.

12. Nahoana ny ratsy fanahy no ambinina? - Ny fandravana an'Israely.

13. Haetry ny avonavon'i Jodà - Fahasimbana amam-pahajamban'i Jodà, oharina amin'ny fehin-kibo, siny - Fananarana sy fandrahonana.

14. Ny amin'ny fahamainan'ny tany fatratra - Mifona intelo ho an'ny iray firenena aminy ny mpaminany - Tsy azo ifonana Andriamanitra fa efa tapaka ny hamaizana ny vahoaka.

15. Tsy hamindra fo Andriamanitra - Fitarainan'ny mpaminany noho ny fanenjehan'ny olona azy.

16. Ny tsy fanambadian'ny mpaminany sy ny anton'izany; tokony hihataka amin'ny fety amam-pisaonan'ny firenena meloka sy voaheloka izy - Ho mafy ny famaizana, nefa hombam-pamonjena miharihary.

17. Ny sazy hafitsok'Andriamanitra an'Israely - Jeremia mangata-bonjy - Ny amin'ny fankamamiana ny sabata.

18. Ny vilany tanimanga - Ny amin'ny fitondran'Andriamanitra ny olona - Ny fihodinan'ny vahoaka, sy ny fanasaziana azy - Firaisan-tetika hamely an'i Jeremia indray.

19. Ny siny tany novakina.

20. Fampijaliana an'i Jeremia - Fitarainana sy fitokiany an'Andriamanitra.

21. Irak'i Sedesiasa tany amin'i Jeremia - Filazana ny hahafahan'ny Kaldeana an'i Jerosalema no navalin'ny mpaminany.

22. Mamely ny taranak'andrianan'i Jodà - Teny fandrahonana ny mpanjakan'i Jodà, Joakaza, Joakima, Jekoniasa, Sedesiasa.

23. Ny mpiandry ondry ratsy - Ny mpanjaka Mesia - Ny mpitondra ratsy sy ny mpaminany sandoka.

24. Ny aviavy roa harona famantarana ny zavatra ho avy.

25. Fanamelohan'Andriamanitra an'i Jodà - Fanamelohana ny firenena.

26. Adin'i Jeremia sy ny mpisorona amam-paminany sandoka - Ny mpanapaka sy ny loholona miaro an'i Jeremia.

27. Adin'i Jeremia sy ireo mpisorona amam-paminany sandoka - Famantaran'ny jioga - Fanirahana ho amin'ireo mpanjaka manodidina, hanekeny an'i Nabokodonozora - Filazana torak'izany tamin'i Sedesiasa koa sy tamin'ny mpisorona mbamin'ny vahoaka.

28. Adin'i Jeremia tamin'ny mpisorona amam-paminany - Ny amin'i Hananiasa.

29. Taratasy nampitondrain'i Jeremia tamin'ireo babo voalohany - Torohevitra ho an'ny babo - Fitenenana mafy an'ireo mpaminany sandoka roa lahy - Faminaniana mamely an'i Semeiasa.

30. Famonjena sy voninahitra ho an'Israely any aoriana.

31. Ny fodiana ho any Jerosalema - Ny vahoaka vaovao.

32. Ny fividianana ny tany tao Anatota, famantarana ny hiverenana avy any amin'ny fahababoana - Nividy tany tao Anatota Jeremia, araka ny didin'Andriamanitra - Vavaka nataon'ny mpaminany mba hahalala ny hevitr'izany famantarana izany - Ny navalin'ny Tompo azy.

33. Fanamafisana ny teny fampanantenana - Famonjena - Fanavaozana ny tany amam-pirenena, ny fanjakana amam-pisoronana, ny soa nampanantenaina an'i Davida sy levì, ary ny firenena manontolo.

34. Filazana ny fandoroana ny tanàna sy ny fitondrana an'i Sedesiasa ho babo - Tsy rariny natao tamin'ny andevo - Famaizana hanjo ny tompon'ireo.

35. Ny amin'ny Rekabita - Nasain'Andriamanitra nomen'ny mpaminany divay ny Rekabita, tsy nety nisotro anefa ireo fa noraran'ny razambeny tsy hisotro divay izy - Fampitahana izany amin'ny fivadihan'i Jodà amin'Iaveh - Soa nampanantenain'Iaveh an'ireo Rekabita.

36. Ny nandoroan'i Joakima ny horonan-taratasy misy ny faminanian'i Jeremia - Notononin'i Jeremia tamin'i Baròka ny faminaniany, hosoratany - Dia novakin'i Baròka tao amin'ny tempoly izany - Fa nasain'i Joakima nodorana ny taratasy - Nefa nasain'Andriamanitra nataon'i Jeremia fanindroany indray.

37. Jeremia tao an-tranomaizina - Irak'i Sedesiasa sy ny navalin'i Jeremia - Ny nisamborana ity mpaminany - Ny nataon'ny mpanjaka ho azy.

38. Ny nanaovana an'i Jeremia tao an-davaka famorian-drano - Ampangain'ny loholona Jeremia, dia alatsaka ao an-davaka - Manalalana hanafaka azy, Abdemeleka - Resak'i Jeremia amin'ny mpanjaka.

39. Ny nahafahan'i Jerosalema - Jerosalema teo an-tànan'ny Kaldeana - Ny nanafahana an'i Jeremia - Fampanantenana natao tamin'i Abdemeleka.

40. Ny nihaonan'i Jeremia sy Nabozardana - Ny namonoana an'i Godoliasa.

41. Ny namonoana an'i Godoliasa.

42. Ny vahoaka mandositra mankany Ejipta.

43. Ny nankanesan'ny Jody any Ejipta - Faminaniana momba ny hahalasanan'i Nabokodonozora ny tany Ejipta.

44. Fetin-tsampy tany Ejipta - Anatra farany nataon'i Jeremia - Loza hanjo ny Jody any Ejipta raha tsy miala amin'ny fanompoan-tsampy izy - Valy an'avonavona nataon'ny Jody - Ny navalin'i Jeremia indray - Filazana indray ny loza hanjo ny Jody manompo sampy.

45. Fampanantenana soa an'i Baròka.

46. Faminaniana voalohany ny amin'i Ejipta: Ady ao Karkemisa: fiomanana ho amin'ny ady; resy ny tafiky ny Ejipsiana - Faminaniana faharoa - Fanafihan'ny Kaldeana an'i Ejipta: fihantsian'ady - Fanatanterahana - Fampiononana an'Israely.

47. Ny Filistina.

48. Ny Moabita - Ny haben'ny loza hanjo an'i Moaba - Fifanalaviran'ny fietreny sy ny fahefan'izany firenena izany taloha - Ny avonavon'i Moaba izay antony namelezana azy - Fitarainan'ity mpaminany, noho izany fandravana izany - Tsy azo ihilanana anefa ny anjaran'i Moaba - Fampanantenana ny fiverenana.

49. Faminaniana mamely ny Ammonita, ny Edomita, Damasy, ny Arabo, Elama.

50. Babilona.

51. Teny mamely an'i Babilona.

52. Ny nahafahana an'i Jerosalema.

© Eugene Heriniaina - serasera.org 1999 - 2024 - page load 0.0969