Bokin'Izaia

1. Fitsarana an'i Jodà: Ny heloka nataony: ny loza efa nanjo azy - Ny fivavahana ivelany fotsiny ihany - Ny fanadiovana an'i Jerosalema - Ny hanjo ny mpikomy.

2. Jerosalema ho foiben'ny firenena - Haetry amin'ny andron'ny fitsarana ny mpiavonavona.

3. Fikorontanana ao Jerosalema.

4. Fampanantenana momba ny Mesia.

5. Fanoharana amin'ny tanimboaloboka - Fandrahonana ny tsy mahay mankasitraka - Famaizana (24-30).

6. Fiantsoana an'Izaia, hanao ny raharahan'ny mpaminany.

7. Izaia sy Akaza - Aoka ny mpanjaka sy ny tandapa tsy hatahotra eo anoloan'ny Siriana, fa hatoky an'Iaveh - Ny famantarana alaina amin'ny virjiny - Loza nateraky ny fahavalo nananika ny tany.

8. Famantarana roa - Teny ampandrenesina ny vahoaka ny amin'ny hananihan'ny Asiriana an'Israely - Andriamanitra no itokiana, fa izy no mahay miary ny vahoakany - Loza no hanjo an'izay tsy matoky azy.

9. Ny andrian-ko avy - Fitsarana an'i Samaria sy ny fanjakan'i Efraima.

10. Ny sazy mafy - Ny fiavonavonan'i Asora mampahatezitra an'Andriamanitra - Ka aetriny sy kapohany.

11. Ny mpanjaka ho avy: ny tenany - Ny soa avy amin'ny fitondrany - Fanangonana an'Israely indray.

12. Hiran'ny voavotra.

13. Faminaniana mamely an'i Babilona - Ny Meda no alefan'Andriamanitra hamely an'i Babilona - Ny fandravany azy.

14. Fahafahan'Israely - Ny mpanjakan'i Babilona any amin'ny seoly - Faharavan'i Asiria sy ny Filistina.

15. Faminaniana ny loza hanjo an'i Moaba.

16. Faminaniana ny loza hanjo an'i Moaba.

17. Faminaniana ny loza hanjo an'i Damasa sy Samaria, ary ny Asiriana.

18. Faminaniana ny hanjo an'i Etiopia.

19. Faminaniana ny hanjo an'i Ejipta - Fibebahany.

20. Ho foana ny fanantenana miankina amin'i Ejipta sy Etiopia.

21. Faminaniana ny hanjo an'i Babilona, sy an'i Edoma, sy ny Arabo.

22. Ny fifaliam-pon'i Jerosalema, arahim-pahoriana rahefa tonga ny fahavalo - Tsy Andriamanitra no niankinany; hadisoany lehibe izany - Ny amin'i Sobnà sy Eliasima.

23. Faminaniana ny hanjo an'i Tira - Ny faharavany, ny fananganana azy, ny fibebahany.

24. Ny amin'ny farandro - Fandravana an'izao tontolo izao - Fitsarana.

25. Hiran'ny voavotra - Fanasan'ny voafidy - Faharavan'i Moaba.

26. Hira Fisaorana.

27. Ny famalian'Iaveh ny fahavalony - Ny fikarakarany ny voalobony - Ny famonjena an'Israely.

28. Fitsarana an'i Samaria sy Jerosalema - Faharavan'i Samaria; voninahitry ny olona tsy mivadika - Hadisoan-kevitry ny lehibe miankina amin'ny herin'ny olombelona - Andriamanitra irery no mahavonjy - Andriamanitra mitondra ny olona amim-pahendrena.

29. Fahirano sy fahafahan'i Ariela - Fahajamban'ny vahoaka avy amin'ny haratsian'ny lehibe, dia hosazina izy; nefa mbola ho voavonjy ihany ny olona tso-po.

30. Loza hafa koa hanjo an'izay mankasitraka ny fihavanana amin'ny Ejipsiana - Tsy mahefa na inona na inona izany, fa ny fitokiana ihany no mahavonjy; famaizana an'ireo nitoky tamin'ny herin'ny olombelona - Fanasoavana an'i Jodà, any aoriana - Fandresena faingana an'i Asora.

31. Ratsy ny miankina amin'ny Ejipsiana - Andriamanitra ihany no mahavonjy - Fandresena an'i Asora.

32. Fanjakan'ny fahamarinana - Fanjakan'ny hadalana - Fananarana ny vehivavy mitsikamokamo toetra - Fanjakan'ny fahamarinana.

33. Fandravana ny Asiriana - Fanafahana an'i Jerosalema.

34. Fitsarana ny firenen-tsamihafa tandintomin'i Edoma.

35. Famonjena sy voninahitr'Israely.

36. Fanafihan'i Senakeriba an'i Jerosalema.

37. Ny namonjen'Andriamanitra an'i Jerosalema, tamin'i Senakeriba sy ny Asiriana.

38. Ny nahararian'i Ezekiasa sy ny nahasitranany; hira fisaorana.

39. Irak'i Merodaka-Baladana - Filazana ny hahababoana.

40. Hody famonjena be voninahitra ny fahoriana ankehitriny, famonjena azo antoka, fa Andriamanitra lehibe tsy misy fetra, nampanantena - Tsinontsinona eo anatrehany, ireo andriamanitry ny mpanompo sampy - Aoka hionom-po Israely.

41. Iaveh hanangana Mpamonjy - Hovonjena Israely; hangaihay ny fahavalony - Ny andriamanitra tsy izy tsy mahefa na mahalaza mialoha, na inona na inona.

42. Ilay mpanompon'Iaveh, alalam-pamonjen'Israely sy fahazavan'ny firenena - Hira fankalazana an'Iaveh - Ny asa hataony - Fahajamban'Israely - Arovan'Iaveh ihany anefa izy.

43. Hovonjen'Iaveh Israely, hahatanterahan'ny faminaniany.

44. Hanasoa an'Israely mpanompony Iaveh - Ny fahadalan'ny fanompoan-tsampy - Famonjena an'Israely - Sirosy.

45. Sirosy nofidin'Iaveh hanangana an'i Jerosalema sy ny Tempoly indray, mba ho fantatra sy hankalazaina amin'ny tany rehetra ny anaran'Iaveh, ary mba ho voavonjy Israely sy hibebahan'ny firenena rehetra.

46. Ny naha-samihafa ny sampy sy Andriamanitra.

47. Rava Babilona.

48. Notanterahin'Iaveh ny faminaniana taloha, ary hotanterahany ny vaovao koa mba ho voninahitry ny anarany - Ny fialana any Babilona.

49. Ilay Mpanompon'Iaveh sy ny asany ankapobe - Fanafahana ny lasan-ko babo - Haorina indray Diona; teny telo avy amin'Andriamanitra, antoky ny famonjena.

50. Ny fahamarinan'ilay Mpanompon'Andriamanitra amin'ny fanatanterahana ny raharaha nanirahana azy - Famporisihana sy fandrahonana.

51. Tsy ho ela ny famonjena, ary haharitra mandrakizay - Aza atahorana foana ny olona mety maty - Ny loza nanjo an'i Siona dia hatsingerin'Iaveh amin'ny mpampahory azy.

52. Vaovao mahafaly: fahafahana amin'ny fahababoana any Babilona.

53. Ny fietrena sy ny fijaliana amam-pahafatesan'ny mpanompn'Iaveh - Valin'ny fahafoizany tena.

54. Voninahitr'i Siona vaovao - Fihamaroan'ny zanany, mahatalanjona - Famirapiratry ny mandany - Fiadanan'ny mponina ao mandrakizay.

55. Fiantsoana hanararaotra ny famonjena atolotra, omena maimaim-poana ny olona rehetra, sady efa akaiky dia akaiky - Tsy maintsy ho tanteraka ny tenin'Andriamanitra.

56. Ny tranon'Andriamanitra mivoha ho an'ny olona rehetra - Ny lehibe amin'Israely manaram-po amin'izay mahafinaritra azy.

57. Izay manaraka ny fanompoan-tsampy dia hosazin'Andriamanitra - Fa izay matoky azy kosa hovaliany soa.

58. Sitrak'Andriamanitra ny fifadian-kanina - Ny sabata.

59. Ny fibebahan'Israely no hahazoany famonjena - Manam-pahefana hamonjy Andriamanitra, fa sakanan'ny tsy fahamarinan'Israely - Miaiky ny fahotany ny vahoaka - Ka omen'Andriamanitra toky fa ny fahavalony hofaiziny; ary izy hikambana amin'izy ireo amin'ny fanekena vaovao indray.

60. Ny voninahitr'i Jerosalema vaovao - Ny firenena rehetra mitondra fanatitra ho azy, sy manatitra ny zanany eo aminy; midodododo hanamboatra sy handravaka azy, izy ireo - Fonenan'ny fahamasinana izy, ary arovan'Iaveh.

61. Ilay Mpanompon'Iaveh, iraka sy foto-pamonjena - Milaza azy ho Iraka sy Foto-pamonjena, ilay Mpanompon'Andriamanitra - Hatsangana sy ho be voninahitra, mihoatra noho ny nanetrena azy Siona - Fihavanana amin'Andriamanitra sy fiarovana azo aminy.

62. Ny famonjena nangatahana sy azo - Aoka ho tonga amin'i Jerosalema ny famonjena - Aoka ny mpiaro an'i Jerosalema hangataka an'Iaveh, hanatanteraka ny fampanantenany - Aoka hionona ny olona rehetra, fa tonga ny Mpamonjy.

63. Famaliana an'i Edoma - Vavaka ataon'ny mpaminany ho an'Israely.

64. Vavaka ataon'ny mpaminany.

65. Ny navalin'Iaveh ny vavaky ny vahoakany - Hafoin'Andriamanitra ny Israelita mpiodina - Fa hovonjeny kosa ireo tsy mivadika - Samy hahazo ny tandrifin'azy avy - Famisavisana ny filaminan'ny zavatra, izay hiadanan'ny mpanompon'Andriamanitra lavorary.

66. Jerosalema vaovao; tsy mahazo famonjena ny mankahala fivavahana - Ny Jody tsy nivadika nandresy faingana ny fahavalony; fahaterahan'i Jerosalema vaovao - Fitsarana mafy ny firenena, fa indrindra ny Jody nivadika; fivorian'ny voafidy avy amin'ny firenena rehetra, ao Jerosalema.

© Eugene Heriniaina - serasera.org 1999 - 2024 - page load 0.0857